نەجاتە موسا ئەرەیاۋناش، کە جە سەیەو ڕابەرو گەلوو کورڎی عەبدوڵا ئۆجالانیوە گەل جە کۆمکوژی ڕزگارشا بی و واتش: "وەڵۍ سەرهۊرداو ڕابەر ئاپۆینە ۋێما نەشناسێنمۍ. ئێمە تەنیا زانێنمۍ کە کورد هەن، بەڵام حەجگیز بە قووڵی جە کورد بیەی نەیاوێنمێنە."
چی گەلوو کورڎی بە عەبدوڵا ئۆجالانی ڕابەرو گەلوو کورڎیوە لکەدریان و ڕووانە بە دروشمەو "بێ سەرۆکی ژیۋای نمەبۆ" و "پەکەکە گەلا و گەل ئینا چۍ" ئەرەکۊشای و مڎرامان مکەرۆ؟ چی بارۆ هاموڵاتیێوە به نامۍ نەجاتە موسای حەز و دڵسۆزی ۋێش پەی ڕابەرو گەلوو کورڎی عەبدوڵا ئۆجالانی و پەکەکەی پېسە بەربڕۆ.
'ڕابەر ئاپۆ زېڵێش بەخشاوە بە گەلوو کورڎی'
نەجاتە موسا جە سەرەتاو قسەکاشەنە باسش جە ژیۋای کورڎی کەرڎ وەڵۍ ئانەی ڕابەرو گەلوو کورڎی عەبدوڵا ئۆجالان شۆڕشەکەیش دەس پنە بکەرۆ واتش: " وەڵۍ سەرهۊرداو ڕابەر ئاپۆینە ۋێما نەشناسێنمۍ. ئێمە تەنیا زانێنمۍ کە کورد هەن، بەڵام حەجگیز بە قووڵی جە کورد بیەی نەیاوێنمێنە. کورد بەردەوام ئەشکەنجە دریۍ و چەوەسیێوە، وڵاتو ۋێشەنە دەربەدەر کریۍ. جە سەرەتاوە کە ڕابەر ئاپۆ سەرشهۆردا سەرەما سووڕمەن و پەرسێنمۍ ئایا ئی کەسە کە دۆزو گەلوو کوردیش گێرتەن ئەستۆ، جە ۋەرا ۋەرو ئا دژمنانە مردانۆ کێن؟ بەڵام وەختۍ هزر و فەلسەفەو ڕابەر ئاپۆیما شناسا و حەقیقەتما دلێشەنە دی ئیتر پێوەسێش بیەیمۍ. ڕابەر ئاپۆ زېڵێوە تازێش بەخشا بە گەلوو کورڎی، ئی گەلەشە زینڼەکەردۆ. ئێمە قەد باوەڕ پانەی نەکەرێنمۍ کە ڕوۍ بیمۍ بە خاوەن نامۍ و شوناسو ۋێما و گەلا دنیۍ بشناساما. بەڵام ڕابەر ئاپۆ بە ڕەنج و ئەرەکۊشای پەرسوو کوردی و کورڎەسانیش کەرڎ بە پەرسێوە جیهانی. ئێمە گرڎ چێوێما پەی ڕێبەر ئاپۆی و دۆزو کوردی ئەنجامدا، گرڎ یانۍ کوردی بیەن به مېڎانوو ئەرەکۊشای پەی ڕابەر ئاپۆی، زاوڵەکێما بە واتەی بژیۋۆ سەرۆک ئاپۆ فێرۍ قسەکەردەی بیۍ. عیلاقێوە قەوەت جە مابەینوو گەلی و ڕابەر ئاپۆینە وەش بیەن."
'ڕابەر ئاپۆ پەرسوو ژەنێش کەرڎ بە پەرسوو کورڎی'
نەجاتە ئاماژەش پانەیچ کەرڎ، کە جە سەیەو ڕابەر ئۆجالانیوە، ژەنی ۋێشا جە عەقڵیەتی پیا سالاری ڕزگار کەرد، مافو ۋێشا جە ژیۋاینە ئشناساوە. ڕابەر ئاپۆ پەی مەسڵەحەتوو ۋێش سەرهۊردایش نەکەردەبۍ، پەی چارەسەری کێشەو گەلوو کورڎی سەرهۊردایش کەردەبۍ. ئانەی کە بی بەمەڵامەتوو ئانەی ژەنی بە ڕابەر ئاپۆیۆ پێوەسۍ با، ئانەنە کە ئاڎ دۆزو ژەنێش پېسە دۆزو کوردی و کورڎەسانی پێناسە کەرد. ئازاڎیی ژەنێش کەرڎ بە ئامانجی سەرەکی.
نەجاتە موسا جە دمادمایی قسەکاشەنە ئاماژەش پانەیە کەرد، کە پەکەکە بی بە بە چراوێوە پەی گەلی و شکسپنەئاردەی دوژمنا، وەختۍ پەکەکە سەرشهۆردا، هەستێوە جیاوازما بۍ. چانەی دڵنیۍ بێنمۍ پەکەکە پەی گەلین و پارێزنۆما. زاوڵەکێما بەشدارۍ تەڤگەری ئازاڎیی بیۍ. وەختۍ چەتەکۍ داعشی هرووژمشا کەرڎ سەرو ئێمە و پلانەو کوشتەی کوردیشا نیارە، جە سەیەو پەکەکەینە داعش شکسش ئارڎ و گەلەکەما ڕزگارش بی. پەکەکە سەلەمناش کە پەی پارێزنای گەلەکەیش، پەی ئانەی گەلوو کورڎی ئاوارە نەبۆ و کولتوورەکەیش جە دەس نەڎۆ و ڕووبەڕوو کۆمکوژی نەبۆوە ۋێش فیدا مکەرۆ. ئینە گەورەتەرین مەڵامەتوو پێوەس بیەی گەلین بە ڕابەر ئاپۆی و پەکەکەیۆ. ڕابەر ئاپۆ و پەکەکە پەی ئێمە ژیۋاینۍ."
