دژو دەسسەرەرەگېرتەی شارەوانی سێرتی و نیایرەو قەیومی چالاکی ئێشکگیری سێرتەنە بەردەواما. جەماوەر جە جاڎەو موسا ئاتیکینە گلېرێبیێوە و تا بیناو شارەوانی ڕاپیمایشا کەرد. جە ڕاپیماکەینە لافیتۍ و درووشمۍ دژو قەیومی بەرزۍ کریێوە.

هاموڵاتیا دەورو بەری بە چەپڵۍ پەشتگیریشا جە ڕاپیمایکەرا کەرد، جەماوەر تا وەردەمو شارەوانی ڕاپیمایشا کەرد و بە هۊرپڕای دمایشا بە چالاکییەکەیشا ئارڎ. جەماوەر چا چالاکی ئەرەنیشتەیشا دەس پنە کەرد.

هامسەرۆکو دەبەپەو سێرتی موستەفا داینان ئەرەیاۋناش نیایرەو قەیومی نکۆڵییا جە ئیرادەو گەلی و قەیومی تاڵانکاریی و تاوانەنە، پۊکەی قبووڵ نمەکریۆ.

پەرلەمانتارو دەم پارتی مێردینی کاموران تانهان ئەرەیاۋناش مەرامو قەیومی تەنیا دزییا، واتش: "ئاڎۍ ماچا ئاشتیما مەتڵەبا. بەڵام بە دووڕوویی ئاشتی نمەبۆ. شێخ سەعید وتەنی جە مەحشەریچنە بۆ مافو وێماتا چنە مسانمۍ. بەڵام ئێمە مافو کوردی تا مەحشەر جیانمازمۍ. ئارۆ داواو مافەکاما مکەرمۍ".

پەرلەمانتارو دەم پارتی، سەرنجش وست سەرو گۆشەگیری ئیمراڵی و مڎرامانوو تشرینی، واتش: "مڎرامانوو گەلوو کوردی جە ئیمراڵییوە تا کۆبانێ و تشرین و سێرت و تەمامو وڵاتی بەردەواما. پېسە چنی مڎرامان جە ئیمراڵییوە تا سێرت بەردەواما، ئا ئازادییەی جە ئیمراڵیوە مۍ دی جە سێرتەنە وەڵا بۆوە. ئێمە لایەنگرۍ ئاشتی و چارەسەریینمۍ. تا بەدیئامای چارەسەری ئەوەکۊشای بەردەواما. پۊکەی واچەو "مڎرامانی ژیۋاین" فرە بەقیمەتا".