ڕاپیماکەی بە درووشمۊو "ئازادی پەی ئۆجالانی، چارەسەری پەی پرسو کوردی" جە شارو هیلبرۆنی ئەڵمانیایۆ دەسش پنەکەرڎ و تا شارو ستراسبۆرگو فەرەنسای بەردەوام بۆنە. جوانۍ کوردەسانی و ئەنتەرناسیۆنالیستۍ بەشدارۍ ڕاپیماکەی بانە و شار بە شار ۋەرفراوانتەر بۆنە.

بەرنامەو ڕاپیماکەی پی جۆرەنە:

١٠و شوباتی ڕۆو یەک شەممەی چالاکا جە مېیانو هیلبرۆنینە گلېرۍ بیێوە و دماو ۋەنایۆ ئەرەیاۋنێوە پەی یاۋنەریەکا، سەرسەعبو ئارۊی ڕاپیماکەی دەسشپنەکەرڎ.جە بەشی یووەمو ڕاپیماکەینە جە هیلبرۆنۆ تا لودوگسبورگ، مەوداو ١٦ کیلۆمەترا ئەنجام مڎریۆ. جە تەمامو ڕاپیماکەینە جە شارە جیاوازەکانە سیمینار، مەراسیمو یاڎکەردەیۆ و بەرنامەو گفتوگۆکەردەی ئەنجام مڎریۆ.
- ١١و شوباتی: ١٧ کم بە پێ جە لودویگسبورگۆ پەی شتوتگارتی. شەوەکێش؛ یاڎکەردەیۆ گەشمەرڎا.

- ١٢و شوباتی: ٢١ کم بە پێ جە شتوتگارتۆ پەی بۆبلینگەنی و سیمینارو زایندەیی کۆمەڵایەتی.

- ١٣و شوباتی: ڕاپیمای ١٩ کم و سیمینارو کۊششی مېیاننەتەوەیی جە ئۆفێنبۆرگۆ تا لاهر.

- ١٤و شوباتی: ٨ کم بە پێ جە فرایبۆرگۆ و بەرنامەو 'ۋەنایۆ ڕابەرایەتی'

- ١٥و شوباتی: یاوای بە ستراسبۆرگی و گلېرۊبیەی ناوەندی.

داواو ئازادی پەی ڕابەر ئاپۆی

جە تەمامو ڕاپیماکەینە ئەرەیاۋېیا ڕابەر ئاپۆ جە سالۊو ١٩٩٩یوە چېرو هەلومەرجی سەختو گۆشەگیریینە زینانیا و  پەی چارەسەری دیموکراتیکی پرسو کوردی داوا مکریۆ.

چالاکا جە ستراسبۆرگۆ بانگەواز جە ئەرەمەرزیاکا ئۊروپای مکەرا دمایی بە بێدەنگیشا بارا و سەرنج وزا سەرو داواکا گەلوو کوردی.