ڕاپیمای درێژمەودا کە جە ١٠و شوباتی جە شارو هایلبرۆنو ئەڵمانیاینە دەسشپەنکەرد و بە بەشداریی جوانا ئینترناسیوناڵی و کوردێ جە فرەو شارەکا ئەوروپای بەرەو شارو ستراسبۆرگو فەرەنساینە بەردەواما.

جە یەرەم ڕۆو ڕاپیماکەینە چالاکێ بەیانی زوو جە وێسگەو شەمەندەفەرو شتوتگارتی (HBF) گلێرێ بیێ.

چالاکی جە ماوەو ڕوێنە ٢١ کیلۆمەتری بە مییانو شارینە ڕاپیمای مکەرا و بە جادە قەرەباڵغەکا شاری ویەرانە و بەرەو ناوچەو بۆبلینگەی گنا ڕا.

وێرەگا یاوانە مییانو گلێرگەو دیموکراتیکو کوردی (نەجەدەکە) جە شارو بۆبلینگینە، چاکە سیمینارێوە سەرو "ژەنە جوانا و ڕەگەزو کۆمەڵایەتی" ملۆڕاوە.

ڕۆو چوارەمی: پەنچشەمە ١٣و شوباتی

جە ٨:٠٠ سەرسەعبی وەردەمو وێستگەو شەمەندەفەری ئافێنبۆرگەنە گلێرۆبییێوە ئەنجام مڏیۆ و ڕاپیمێوە ١٩ کیلۆمەتری بەرەو مییانو شارو ئافێنبۆرگی ملۆڕاوە. ڕێکوزتەو ڕۆو چوارەمی جەلایەنو جوانا ئینترناسیوناڵیستیۆ ئەنجام مڏیۆ. وێرەگاو ئارۆی سیمینارێوە سەرو تەوەرو "ئەوەکۆشای مییاننەتەوەیی" کە جەلایەنو ئینترناسیۆنالیستەکاوە پلانەش پەی نریانەرە، جە مییانو گلێرگەو دیموکراتیکو کوردی جە لار ملۆڕاوە و چاکە باس جە بیرۆکە و گفتوگۆی هامبەش مکریۆ.

ڕۆو پەنچەمی: جومعە ١٤و شوباتی

سەعات ٨:٠٠و سەرسەعبی جە پارکو گۆڵفی دیتنباخ جە شارو فرایبۆرگینە گلێرۆبییەی ملۆڕاوە و پەی ماوەو ٨ کیلۆمەترا بە جادە قەرەباڵغەکا شارەکەی ڕاپیمای ئەنجام مڏیۆ. جە دانی عەسرنە جە مییانو گلێرگەو دیموکراتیکو کوردی جە شارو فرایبۆرگینە جە پرۆگرامو "وانایۆ کتێبەکا ڕابەرایەتی" گلێرێ باوە.

ڕۆو ششەمی: شەممە، ١٥و شوباتی

سەعات ٠٧:٠٠و سەرسەعبی بە پاس بەرەو ستراسبۆرگ و یاگێ دەس پنەکەردەو ڕاپیمای مییانی چنی جەماوەری یۆ گێراوە