لەقوو قەرسوو "ڕاپیمای گەورەو ئازاڎی"ی پەی ئازاڎیی جەسەیی ڕابەروو گەلوو کوردی عەبدوڵا ئۊجالانی و چارەسەری سیاسیی پەرسەو کوردی، مەنتێقەو دەپوو خارپێتینە، چا یانەنە چەنەش پەیدا بییەن مەزڵوم دۊغانشا یاڎ کەرڎۊ. عاریفە دۊغان، واڵێ مەزڵوم دۊغانی و فرەو کەسای تەری بەشداریی یاڎکەرڎەیۊکەی بێنێ.

دماو دەیەقێوە ڕێزگێرتەی، نارین گەزگۊرە واتش، مەزڵوم دۊغان ڕاو کۊشیایەکەیشاوە بی بە شۊنکەوتەو سەرمەشقاو کوردی پێسە سەید ڕەزای و شێخ سەعیدی و واتش جە کۊشیای ئازاڎیی گەلوو کوردینە ساعیبوو یاگێوە بەرزێ و گرنگێن. گەرگۊز ئەوەخوایش کەرڎۊ، تا سەرکەوتەی ئی کۊشیایە ئێمە شۊنکەوتێ ئادیشا بیمێ.

دماتەر پەرلەمانتاروو پارتوو یەکسانی و دیموکراسیی گەلا (دەم پارتی)، کاموران تانهان بەشێوە جە وەرگێرینامەو دادگاو مەزڵوم دۊغانییش واناوە، یاڎەکە بە درووشـموو "گەشمەرڎێ مەمرا" دماییش ئاما.