لقوو قەرسوو ڕاپیمای گەورەو ئازاڎی  جە ڕۊو حەوتەمینە و مەنتێقەو کانی ڕەشوو چەولیگینە ئەرەیاوناێوەش واناوە. ڕاپیمەرێ دمایی لوێ زێدوو مەزڵوم دۊغانی مەنتێقەو دەپی خارپێتینە. لاو سەدان کەساوە بە درووشـموو "بژیوۊ مدرامانوو زیندان"ی و "بێ سەرۊکی ژیوای مەبۊ" خێرامایشا کریا. واڵێ مەزڵوم دۊغانی، عاریفە دۊغانە خێرامایش وەنەو ڕاپیمەرا کەرد.

یوە جە ڕاپیمەرا، دەریا یۊلجۊ واتش: "ئێمە داواو ئازاڎیی بەڕێز عەبدوڵا ئۊجالانی کەرمێ، داوا کەرمێ گۊشەگیرییش دماییش بێ، کە ساڵانێوەن بەردەواما. گۊشەگیری تاوانا دژوو ئینسانیەتی. ئارۊ گۊشەگیری  تەماموو وەڵاتینە وەڵا بییەنۊ. پەرسەو کوردی پەرسەی سەرەکییەو ئی وەڵاتینە. سەرچەمەکاو وەڵاتی پەی جەنگی و کرێوەری بەکار مەیا. کرێکارێ و خانەنشینێ و زارۊڵێ و ژەنێ ئاورێنێ، وەلێ کۊمەڵێوە سەرمایەدارێ و ئاکەپەیێ وەشگوزەرانیینە مژیوا".

ڕاپیمەرێ هامشانوو خەڵکی بەشدارێ بیێ جە مەراسیموو کەردەیۊ نویسیگەو ورچنییەی دەم پارتی شارەکەنە.