دەزگاو چاپ و پەخشو زایەڵەی کتێبو (ڕازێ هەورامانی)ش وست بازار کە جەلاو سندوقو پاڵپه‌شتی جه‌ نویسه‌رانو هه‌ورامانی سەر بە ڕێکوزیا (واران)ی ئەرکو چاپ و وەڵاوکەردەوەیش جە ئەستۆ گیریان.
ئی کتێبه‌ ٤۳ ڕازێنێ که‌ ۲۷نه‌فه‌را کیاسێنێ و به‌ زه‌حمه‌توو کاک ڕه‌حیم ڕه‌حمانی ئاماده‌ کریان و وناریان و جه‌ ۱۹۱ لاپه‌لێ ئەپی زووانە  جە لاو ئێنتشاراتوو زایه‌ڵه‌ی چاپ و وەڵا کریۆوە.
بە ئی جۆرە کتێبو ڕازێ هەورامانی مەبۆنە بە هه‌فتەمین کتێپ کە   سندوقو پاڵپه‌شتی جه‌ نویسه‌رانو هه‌ورامانی (واران)ی چاپ و وەڵاوش بکەرۆنەوە.

سنۆقوو وارانی جە لاچەمێوە بژناسمێ

 تاقمێو دڵ گه‌ورێ و دڵسۆزێ زوانوو هه‌‌ورامانی، یارمه‌تی ماڵی نویسه‌ره‌ هه‌ورامی زوانا مدٚا په‌ی چاپوو کتیبه‌کاشا. ئی سنۆقه‌ به‌ هێممه‌توو ئه‌نجومه‌نوو نه‌سیموو هه‌ورامانی، جه‌ شاروو پاوه‌ینه‌ مه‌رزیانه‌ره‌ و به‌ یارمه‌تی دڵسۆزا زوانی هه‌ورامی و چیروو نه‌زه‌ره‌و ئه‌نجومه‌نینه‌ خزمه‌ت که‌رۆ به‌ زوان و ئه‌ده‌بوو هه‌ورامانی.
سنۆقوو وارانی تا ئیسه‌ ئی کتێبێشه‌ چاپێ که‌ردٚێنێ:
1.  خامه‌ و خه‌یاڵ: عه‌بدوڵڵا حه‌بیبی
2.  تاریخ نثر هورامی: ئێبراهیم شه‌مس
3.  فه‌ته‌(1): شادڕه‌وان، وه‌لی فه‌تاحی
4. هه‌ری گورانی واچ: بێهرووز موحه‌ممه‌دپوور(شارۆ)
5.  حه‌کایه‌توو دڵی: قه‌یۆم دانشوه‌ر
6.  کته‌ و مڵه‌: کوورش یۆسفی
7.  ڕازێ هه‌ورامانی(1): ڕه‌حیم ڕه‌حمانی.