بە بۆنەو جەژنەو ڕەمەزانیوە بە سەرمەشقایەتیی کۆمیتەو خانەوادەو گەشمەرڎا پانیشتو کورڎستانینە، سەرڎای قەبرسانو شێخ عەباسی و مەزارو گەشمەرڎا مەنسور کەریمیانی و نەژوان عەبدوڵای کریا.

دماو دەیەقێو ڕێزگێرتەی پەی یادکەرڎەیۆ گەشمەرڎاو ڕاو ئازادیی، سەرو مەزارو گەشمەرڎاوە کۆنگرەی ڕۆنامەوانی بەسییا. ئەندامو دەسەو ڕاوەبەرو کۆمیتەو خانەوادەو گەشمەرڎا، عەبدولوەهاب ئەحمەد ئەوەخوایش کەرڎۆ، کە درێژە بە ڕاو گەشمەرڎا مدانێ و واتش: " جەژنەو ڕەمەزانی وەنەو تەمامو گەلو کورڎی و موسڵمانا و ئا کەسا کە پەی ئاشتی و ئازادیی گەلەکەیما گیانشا بەخت کەرڎەن  مەبارەک مکەرمێ، هومێدەوارێنمێ جەژنە بۆ مایێ ئاشتی و پێوەژیوای گەلا".

هەرپاسە جەختیچش کەرڎۆ، کە کۆشیا پەی پارێزنای ئا دەسکەوتا کە بە ونەو گەشمەرڎا دەس کەوتێنێ، دمایی ئاماژەش کەرڎ بە سەرکەوتەی کورڎی ورچنیەیەکاو سەرنیشتو کورڎستانینە و تورکیانە و واتش: "هومێدەوارێنمێ ئی سەرکەوتەیە بۆ بە قۆناغێو پەی ئاشتی و پێوەژیوای و تەبایی و دوورکەوتەیوە وەنەو  زوڵم و ستەم و قڕکەرڎەی".