بە بەشڎاریی هەزاران کەسا مەراسیمو هەزار دەفا لە وەرکەوتو کورڎسانینە کریا
لاو کەمیوە ١٥ هەزار کەسێ بەشڎارێ بێنێ جە مەراسیمو هەزار دەف-ینە، جە دەگاو دەگاگاو وەرکەوتو کورڎسانینە.
ڕۆو پەنج شەممەی ٤ ی نیسانی، مەراسیمی فەرهەنگی-ئایینی هەزار دەفا دەگاو دەگاگاینە وەرکەوتو کوردسانینە کریا.
مەراسیمەکەنە لاو کەمیوە ١٥ هەزار کەسێ یاگە جیاجیاکاو وەرکەوتو کوردسانی و سەرانسەرو ئێرانیوە بەشڎارێ بێنێ.
بەشڎارەکێ جلوبەرگی کوردیی ڕەنگاوڕەنگشا کەرڎەبێنە و دیمەنێوی قەشەنگشا بە مەراسیمەکەی بەخشا. هەرپاسە پۆشتەی جلوبەرگی کوردی و فەرهەنگیی کورڎسانی سەرنجەو مێماماناو یاگە جیاجیاکاو ئێرانی و ناکورڎەکاش کێشتە.
چوارچوەو مەراسیمەکەینە، نیشانگاو هەرمانە دەسی و فۆلکلۆرییاو هەورامانی و بەرهەم و وارڎەکا تایبەت بە مەنتیقەکەی نیشانەو مێمانا دریا.
هاموەخت ژەنی یاگێوە تایبەتییەشا تەرخانە کرڎە پەی کەرڎەی نانی و کەلانا و وارڎەی وێمانەی.
مەراسیمەکەنە بە پاو بیناسازیی هەورامانی، دەفژەنێ سەرو یانەکاو دەگێکێوە ڕیزشا بەست و هونەرو وێشا خۆیان پێشکەش کەرد، کە جۆشوخرۆشێوی تایبەتییش بە مەراسیمەکەی بەخشا.
دەفژەنێ بە ژەن و پیا و زارۆڵەوە بە پۆشتەی جلوبەرگی ڕەسەنی کوردییوە هونەرەکەشا پێشکەش کەرد، فرەو دەفژەنەکایچ ژەنی و کناچێ بێنێ.
لە مەراسیمەکەنە شاعیرێوی خەڵکو دەگێکی لوا سەرو سەکۆی و شیعرێش پەی خەڵکەکەی وانێوە و پەرسەکاو مەنتێقەکەی و بەتایبەت پەرسەو کۆڵبەرا باس کریا و داواو وێستەیۆ چارەسەریش پەی کریا.
