جە شارو کولکاتای ویلایەتو بەنگالی هندستانینە جە ٩و ئابینە ژەنێوە دماو ئانەی جە لایەنو دکتۆرێوە دەسدرێژیش مکریۆ سەر، دماتەر مکوشیۆ، ناڕەزاییەکۍ جە دژوو ئا ڕووەدایە بەردەوامیشا هەن. ژەنی جە چڼین یاگۍ ئا وڵاتەینە مجیێرە مېڎانەکا بە دروشمەو ئانەی 'دادپەروەرییما گەرەکا' ئا ڕووەدایەشا شەرمەزارکەرد.

جە بارەو هەڵوێس و ناڕەزاییەکا ژەنا ئا وڵاتەیۆ، ڕۆنامەوانا ئاماژەشا پانەیە کەردەن هەڵوێسەکە ۋەرفراوانا و ماچا: "حەجگیز وەڵتەرێنە نە دیەنما جە شارەکەنە ژەنی شەوێنە پا ۋەرفراوانیە هەڵوێس بەربڕا و ڕاپیمای ئاڼنە گەورە بکەرا."

جە ڕاپیمای و چالاکیەکاو ژەنانە جە ڕۊو هەشتەموو چالاکیەکانە جە دروشمەکاشانە؛ دروشمەو ژەناو کورڎی 'ژەنی، ژیۋای، ئازاڎیی'شا بەرزکەردۆ.

سەرەڕاو وەشبیەی گرژی و پشێوییەکا جە بەینوو پۆلیسی و ۋێنیشاندەرانە، چالاکیەکۍ جە شارەکاو نیودەلهی، حەیدەرئابادی و پونەینە بەردەوامێنۍ.