ڕوانگەی سوری بۆ مافەکاو ئینسانی واتش، ١٢ چەتێ داعشی زیندانێوی چێردەسو چەتەکاو ئەرەگیرکەری تورکینە دەگایەکاو عەفرینی ئەرەگیرکریاینە بە هامکاریی چەتەکاو دەوڵەتی ئەرەگیرکەرو تورکی ورئامێنێ.
١٢ چەتێ داعشی زیندانێوی چێردەسو چەتەکاو دەوڵەتی ئەرەگیرکەرو تورکینە شارەکڵەو بولبولینە دەگایەکاو عەفرینی ئەرەگیرکریاینە ورئامێنێ، بەپاو ڕوانگەی سوری بۆ مافەکاو ئینسانی داعشەکێ بە هامکاریی ڕاستەوخۆو چەتەکاو ئەرەگیرکەری تورکی ورئامێنێ.
مەنتێقە ئەرەگیرکریایەکاو چێردەسو دەوڵەتی ئەرەگیرکەرو تورکینە، بیێنێ بە ژیوگێوی ئارام پەی چەتەکاو داعشی.
ئینە حاڵەتی یوەم نییەن، ئەوەڵو ساڵێ ویەردێچنە، ٢٠ چەتێ داعشی زیندانو ڕاجوینە سەرنیشتو حەلەبی ئەرەگیرکریاینە، بە هامکاریی وەرپەرساو زیندانەکەی ورئامێ، وەراوەرو ١٠٠٠-٣٠٠٠ دۆلارە ئەمریکییاوە پەی حەرداعشێو، تەنانەت پەی بڕێوشا یاوان ١٠ هەزار دۆلارێ، تا بتاوا وربەیا.
