بۆنەو جەژنەو نەورۆزیوە گەریلاکاو یەژا ستاری و هەپەگەی پۍ ئاژانسیما (ANF)ی قسێشا کەردۍ.

گەریلۍ یەژا ستاری ڕوگەش جودیە: جە سەرەتانە نەورۆزوو ٢٠٢٤ جە ڕابەر ئاپۆی، جە گرڎوو گەشمەردا ئاخێزی، جە تەماموو گەلی، جە هامڕایاما زینڎانەکانە و جە ئەڎایا شەممەی پیرۆز کەرمۍ. نەورۆزوو ٢٠٢٤ بۊ بە نەورۆزوو ئازاڎیی ڕابەرایەتی. ئا شۊڵەچراوۍ کە کاوەی ئاسنگەری گیسنانە، بە دەسوو مەزڵوم دۆغان، ڕەهشانان و زەکیە ئالکانەکاوە بەردەوامیش هەن، جە ئیسەیچەنە پۍ ئێمە ڕاو ڕۊشنایینە.

گەریلا بە باوەڕێوە هێقمۆ چالاکی جە ۋەراۋەروو ئەرەگیرینە ئەنجام مڎۆ. ئی چالاکیێما جە گرڎ ئاژێوەنە بەردەوامۍ با. ئۍ ساڵما بۊنە بە ساڵەو کۊشیای ۋەرفراوانتەری و چالاکتەری. بەرۆحوو نەورۆزیوە پێسە گەریلاکاو یەژا ستاری و هەپەگەی مدرامان کەرمۍ و سەرکۊتەی پێکبارمۍ. وەعد مڎەیمۍ بەگەلەکەیما ئێروو نەورۆزی جە قولەپۊپەو کەشەکانە گەشتەر کەرمۍ.

'ساڵەی تازۍ کەرمۍ بە ساڵەو ئازاڎیی جەستەیی ڕابەر ئاپۆی'

گەریلۍ یەژا ستاری نودەم چیا: جەژنەو نەورۆزی جە ڕابەرایەتی، جە کەسێتی هامڕا سەما، ڕوناهی، ڕەشانۍ و مەزڵوم دۆغانینە جە گرڎوو گەشمەرڎا ئاخێزی پیرۆز کەرمۍ و یاڎشا کەرمێوە. نەورۆزوو ٥٢ەمینوو تەڤگەری ئازاڎیی کوردسانی بۆ بە نەورۆزوو ئازاڎیی جەستەیی ڕابەر ئاپۆی. ئێروو نەورۆزی کە هامڕا مەزڵوم دۆغانی جە زینڎان و ئامەدینە کەردشۆ تا ڕۊو ئارۊی بەردەواما. هامڕا مەزڵوم دۆغان سیمبولوو مدرامانین پۍ ئێمە.

جە دژوو هجوومە ئەرەگیریەکا پێسە گەریلاکاو یەژا ستاری و هەپەگەی، پۍ ماوەو یەرۍ ساڵان بە ئامانجوو سەرکۊتەی و ماڕای گۆشەگیری سەروو ڕابەرایەتی کۊشیایۍ بێهامتا ملۆڕاوە. ۋێش جە ۋێشەنە دوژمن جە هەرێمەکاو پارێزنای میدیاینە تێکشیەن، بەڵام تێکشیەی و ماڕای ۋێش قبوڵ مەکەرۆ. بە هەڵمەتەو شۆڕشگێڵنی گەشمەرڎە هەڵمەت دێرەلووکیوە، ساڵەی تازۍ بکەرمۍ بە ساڵەو ئازاڎکەردەی جەستەی رابەر ئاپۆی. هەر ئاستەنگێوە بۍ وەڵۍ، ڕا جە کۊشیای و مدرامانیما مەگێرۆ. هەتا دما نەفەس دژوو دوژمنی ئەرەگیری جەنگ کەرمۍ. خاکوو کوردسانی پۍ دوژمنی جیانمازمۍ، چونکی ئی خاکە، خاکوو گەلوو کوردین نەک خاکوو دەوڵەتوو تورکی فاشیستی.

دیمەنوو ئا چالاکیا کە هامڕایاما دژوو ‌هێزەکاو ئەرەگیری ئەنجامش مڎا، پۍ ڕای گرڎیی وەڵاکریاوە. حەقیقەتێوەن و گرڎ کەسێ دیێنێش. هەر چنڎە دەوڵەتوو تورکی جەنگی تایبەت ڕاوەبەر کەرۆ، بەڵام جە ڕوو دەرونییوە تێکشیەن. ۋەروو ئانەی چالاکیۍ زیاتەرۍ بیێنۍ. ئێروو نەورۆزی گرڎ وەختۍ سەروو کەشەکاوە  گەشتەر بۆ و مدرامان گۊرەتەر بۆ.

'بە چالاکی، هەل هەلە و چەپڵۍ گەریلایۆ نەورۆز فرە ماناڎارتەر بۆ'

گەریلاو هەپەگەی کاژین رۆژیندا: سەرەتا جەژنەو نەورۆزی جە ڕابە ئاپۆی، گەلی وڵاتپارێزوو کوردسانی، گرڎوو گەشمەرڎا و کۊششکارا سەروو کەشی پیرۆز کەروو. سەروو کەشەکاوە ئێروو نەورۆزی گەشکریاوە و بە چەپڵۍ و هەل هەلەو گەریلایۆ نەورۆز فرە وەشتەر بۆ.

گەشمەرڎە مەزڵوم دۆغان ئێروو نەورۆزیش دلۍ کۊشیای ئێمەنە کەردۆ. ئی رۆحە فیدای و بەقوەتە ئارۊنە جە کەشەکا کوردسانینە بەردەواما. بەرۆحوو نەورۆزیوە گەریلاکاو ئازاڎیی جە کەشەکانە دژوو دوژمنی مدرامان کەرا. موینمۍ هامڕێکێما پا ڕۆحیەتۆ جە ئەنقەرەو دڵوو ئەرەگیرینە چالاکی ئەنجام مڎا. ئی ڕۆحیەتە هەتابۍ بەقوەتتەر بۆ. دژوو ئەرەگیرا پی ڕۆحیەتۆ مدرامان ڕاوەبەر کریۆ.

چی ماوەو دماینەینە گەریلا دلۍ دڵوو دوژمنینە و سەروو کەشیۆ ئێروو نەورۆزییشا کەردۆ. ئینەیچ هێزوو رۆحوو نەورۆزی نیشانە مڎا.

سەروو ئی بنەمایۍ درێژەپنەدەروو ڕاو ئازاڎینمۍ. خەتەو سەرۆکایەتی بە رۆحوو نەورۆزیوە سەروزمۍ. بە رۆحوو نەورۆزیوە جە کەشەکا کوردسانینە، دوژمنی ماڕمۍ. ئینە باوەڕ و ئایدیاو ئێمەی گەریلایا هەپەگەی و یەژا ستاریا.