بە پاو گوزارشتەو هەواڵەکا سەر بە دۊڵەتو ئێرانی و بە پاو ئاژانسوو هەواڵوو سەر بە سپاو پاسدارا، جابەجێ کەردەی سزاو جە قەنارەدای پەخشان عەزیزیۍ دما وزیان.
سزاو جە قەنارەدای چالاکەو بوارو مافە کۆمەڵایەتیەکا، ڕۆنامەنوویسەو و داکۆکیکارە جە مافو ژەنا، پەخشان عەزیزیۍ، جە ٨و کانوونو دووەمی جە لایەنو دادگاو باڵاو ئێرانیوە پەسەن کریا.
جە ئاکامو بەرکەردەی ئی سزێوە جە لایەنو دادگاو باڵاو ئێرانیوە جە کوردەسان، ئیران و گرڎو جەهانی ناڕەزایی و کاروەدای فراوانش چنە کۊتۆ، بە پاو ئاژانسو هەواڵو حکومەتو ئێرانی سەر بە سوپاو پاسدارا،(ئاژانسو تەسنیم)ی، بە پەشت بینای بە شوراو ئەمنیەتو ئێرانی، ئی سزۍ دماوزیێنە."
یاگۍ ئاماژەەیا ئی هەواڵە ئارۆ جە کاتێنە وەڵا کریانۆ کە بەپاو قەرارو وداواو پارتەکا ۋەرکۊتوو کوردەسانی ئارۆ جە ۋەرکۊتوو کوردەسانینە دژو سەپنای سزاو جە قەنارەدای سەرو پەخشان عەزیزیۍ و وریشە مورادیێرە مانگېرتەی گرڎین ملۊڕاوە.
