زینانیا سیاسی ۋەرکۊتوو کوردەسانی بە ئەرەیاۋنێوە پەشتگیری ۋێشا پەی مانگېرتەی گرڎی ئەرەیاۋنا کە سەبای دژو سزاو جە قەنارەدای پەخشان عەزیزیۍ و وریشە مورادیۍ ئەنجام مڎریۆ.

جە ئەرەیاۋناکەنە ماچا، پەشتگیری داواو مانگېرتەی گرڎی مکەرا کە سەبای جە ۋەرکۊتوو کوردەسانینە ئەنجام مڎریۆ.

داوا جە هاموڵاتیا ۋەرکۊتوو کوردەسانی کریان بە یۊگێرتەیی بەشداری مانگېرتەی گرڎینە بکەرا و جوابېوە بەهێز بڎاوە بە حکومەتو ئێرانی.

هېزی پارت و لایەنە سیاسییەکۍ ۋەرکۊتوو کوردەسانی دژو سزاو جە قەنارەدای پەخشان عەزیزیۍ و وریشە مورادیۍ، قەرارشا دا ڕۆو چوارشەممەی (سەبای ٢٢ ۍ کانوونو دووەمی) جە ۋەرکۊتوو کوردەسانینە مانگېرتەی گرڎیشا ئەرەیاۋنا. چەمەڕا مکریۆ سەبای جە تەمامو ۋەرکۊتوو کوردەسانینە ژیۋای مردۊنە و مەردم مانگېرتەی گرڎی ئەنجام بڎا، مەرامی سەرەکی مانگېرتەکەی مردنای سزاو جە قەنارەداین، بەتایبەت هۊرشېونایۆ سزاو جە قەنارەدای وریشە مورادیۍ و پەخشان عەزیزیۍ.