ئەنجوومەنو بنەیانەو گەشمەرڎا کۆبانێ پەی پارێزنای شۆڕشو سەرنیشت و ۋەرکۊتوو سوریای چەکو ڕۆڵەکاشا هۊرگېرت و تابوورێوەشا بە نامۍ گەشمەرڎە ئازاڎیی ئەرەمەرزنارە.

ئەنجوومەنو بنەیانەو گەشمەرڎا کۆبانێ دەربارەو هرووژمەکا سەرو هەرێمەکەی و بۊنەو ٧ ەمین ساڵیاڎو دەسپنەکەردەی هرووژمەکا دۊڵەتو تورکی و چەتەکاش پەی سەرو عەفرینی ئەرەیاۋنێوەش وەڵا کەرڎۆ.

بنەیانەو گەشمەرڎا کۆبانێ ئەرەگیرکەردەو عەفرینیشا یاڎ ئاوردۆ و ئەرەیاۋناشا ئیساتێچ دۊڵەتو تورکی بەهەمان ویستۆ گەرەکشا بەشێوێوە دڕندانە هرووژم بکەرۆ سەرو سەرنیشت و ۋەرکۊتوو سوریای بەتایبەت پەی سەرو سردەو قەرەقۆزاقی و بەنداوو تشرینی.

بنەیانەو گەشمەرڎا ئاماژە پانەی مکەرۆ، خەڵکی مەدەنی هەرێمەکەی کە پەی پارێزنای بەنداوەکەی ئێشکگیری گێرانە و ڕاسەوخۆ مکریا ئامانج و چڼین ئێشکگیرۍ گەشمەرڎۍ و زامڎارۍ بیۍ.

هەرپاسە ماچا ۋەرا ۋەر بە تاوانەکا دۊڵەتو ئەرەگیرو تورکی و چەتەکاش پەی پارێزنای دەسکەوتەکا شۆڕشو سەرنیشت و ۋەرکۊتوو سوریای و پێکئاوردەی ئا قەولەی بە گەشمەرڎاما دان، چەکو ڕۆڵەکاما هۊرگېرت.

هەرپاسە واتشا با دۊڵەتو ئەرەگیرو تورکی و چەتەکاش خاس بزانا کە پېسە چنی جە ٢٠١٤ ەنە داعش جە کۆبانێنە مەڕیا، ئارۊیچ ئینایمۍ سەرو هەمان قەراری و دۊڵەتو تورکی و چەتەکاش دلېنە بەرمۍ.