لەو ڕێپێوانەی تیشکخستنە سەر دیلگرتنی ٢٦ ساڵەی ڕێبەر ئاپۆ دەستی پێ کردووە، ٢٦ کەس بە ٢٦ شاری جیاوازی فەرەنسادا تێدەپەڕن و لە ١٥ ی شوباتی ساڵیادی پیلانگێڕیی نێونەتەوەیی لە ستراسبۆرگ بە ئەنجامدانی ڕێپێوانێکی درێژ و گردبوونەوەیەک کۆتایی دێت.  

شاهین پۆڵاد: پیلانگێڕی بە تێکۆشان پووچەڵکرایەوە

سەرۆکی جەدەکە_فە لە کۆنگرە ڕۆژنامەوانییەکەدا تیشکی خستەسەر گۆشەگیری ٢٦ ساڵەی ڕێبەر ئاپۆ، ڕایگەیاند بەرپرسانی ڕاستەقینەی پیلانگێڕی و موخاتەبی چارەسەر، هێزە پیلانگێڕەکانن، گوتی: "پیلانگێڕی بە تێکۆشانی ڕێبەر ئاپۆ و تێکۆشانی شەڕڤانانی ئازادی و تێکۆشانی گەلان پووچەڵکرایەوە. دووپاتی دەکەینەوە، پێویستە دەستبەجێ ئازادی ڕێبەر ئاپۆ دابین بکرێت و پرسی کورد چارەسەر بکرێت".

زوبەیدە زومروت: لە قۆناغێکی مێژووییداین

هاوسەرۆکی کەجەدەکە_ئە زوبەیدە زومروت ڕایگەیاند لە نزیکترین کاتدا ئازادی ڕێبەر ئاپۆ دێتەدی گوتی: " ڕێبەر ئاپۆ ڕێبەری گەلی کورد و هەموو گەلانی ستەملێکراوی جیهانە. ئەندازیاری شۆڕشى ڕۆژئاوایە. شۆڕشێک بە پێشەنگایەتی ژنان لە ڕۆژئاوا پێکهات و ژنانی کورد چەتەکانی داعشیان تێکشکاند. ئەمڕۆ دەوڵەتی تورک پەنا بۆ سیاسەتی قڕکردن دەبات بۆ بنبڕکردنی ئەو فەلسەفەیەی کە لەسەر بناغەی ئازادی ژنان لە ڕۆژئاوا دامەزراوە. هاوڵاتی سڤیل و ڕۆژنامەنووسان و خەباتکارانی کەلتووری کورد دەکرێنە ئامانج. داوا لە کۆمەڵگەی نێونەتەوەیی دەکەین لەبەرامبەر کردەوەکانی دەوڵەتی تورکیا بێدەنگ نەبن".

دیپلۆماسی و کۆبوونەوەی گەل

زوبەیدە زومروت ڕایگەیاند بە خەباتی دیپلۆماسی دەستیان بە چالاکییەکان کردووە، لەگەڵ چەندین ڕێکخراو و دامەزراوە و پەرلەمانتار و سەرۆکی شارەوانی و ئەندامانی ئەنجوومەن کۆبوونەتەوە.

زومروت جەختی کردەوە لە تەواوی ڕێپێوانەکەدا کۆبوونەوەی گەل و سەردانی بنەماڵەکان و چالاکی جیاواز ئەنجام دەدەن و بانگەوازی لە هەموو گەل کرد بۆ بەشداربوون و مەزنکردنی چالاکی.

پاش کۆنگرە ڕۆژنامەوانییەکە، بە بەشداری دۆستانی کورد و بە جۆشێکی مەزن ڕێپێوان دەستی پێ کرد. چالاکییەکە بە ڕێپێوان و گردبوونەوە لە ١٥ ی شوبات لە ستراسبۆرگ کۆتایی دێت.