یۆ جە فەرماندەکاو یەپەگەی، شەڕڤان حەلەب کە ١٠  کانوونوو دووەمینە حەسەکەنە  بە نەوەشیی دڵی گەشمەردە بی. مەراسیمێوە جەماوەریینە بەخاکی ئسپارییا. سەرەڕاو وا و ورانی هەزاران ئەرەنیشتێ گەڕەکەکاو شێخ مەقسوودی و ئەشرەفیەی بەشدارێ بێنێ.  گەشمەردە شەڕڤان زیاتەر جە ٣٠ ساڵا هەرێمە جیاوازەکاو کوردستانینە جەنگش کەرد.

مەراسیمەکەنە فەرماندێوە یەپەژەی، ڕۆژدا عەفرین قەبرسانوو گەشمەردانە واتش: "گەشمەردە شەڕڤان جە ٤ پارچەو کوردستانینە مدرامانش کەرد و پەی پارێزنای گەلەکەیش کۆشیا. خاوەنداریی جە مدرامانوو گەشمەردە شەڕڤانی کەرمێ و ڕاو کۆشیایش تەمامنمێ".

هامسەرۆکوو مەجلیسوو بنەیانەو گەشمەرداو کانتۆنوو عەفرینی، خەدیجە عەبۆ لاو وێشۆ واتش: "وەختێ نامێ گەشمەردە شەڕڤانی مێ، کۆشیای شۆڕشی و مدرامانوو گەلی و گەڕەکەکاو شێخ مەقسوودی و ئەشرەفیەی و مدرامانوو عەفرینیما هۆش گنۆوە. گەشمەردە شەڕڤان زیاتەر جە ٣٠ ساڵا کۆشیای، بە فیکر و فەلسەفەی ڕابەر عەبدوڵا ئۆجالانی سەدان شەڕڤانێش پەروەردێ کەردێ".

ئەنداموو کۆمیسیۆنوو پەروەردە و فێرکەردەی جڤاکی دیموکراتیکی، زەکیە مستەفا شناسنامەو گەشمەردەیش واناوە دریا دەسوو بنەیانەکەیشۆ.

دماتەر گەشمەردە شەڕڤان حەلەب بەخاکی ئسپارییا.