جە شارەکاو ڕۆما و میلانۆینە، پیلانگێڵنی مېیاننەتەوەیی ١٥و شوباتی سەرو ڕابەر ئاپۆی شەرمەزار مکریۆ، پەی ئا مەبەسیە سەنیدکاو ( CUB- La Confederazione Unitari) کۆنفیدراسیۆنو یۊبیەی بنەڕەتی – کوبی، کە بەسەڎان هەزار ئەندامێش هەنۍ، پەی چالاکی شەرمەزارکەردەی بانگەوازش پەی بەشداربیەی بەهێزی کەرڎ و ئەرەیاۋناش پەی ئازادی و دیموکراسی مشۊم داواو ئازادی ڕابەر ئاپۆی بکەرمۍ.

جە ئەرەیاۋناکەو کوب-ینە وچیان: "کات کاتو ئانەینە خاوەنداری جە گەلوو کوردی بکەرمۍ، کە جە جەنگو دژ بە داعشی سەنگەرشا گېرت و نموونێوە ڕێکوستەی دیموکراسیشا نیشانەدا، بە شێوێوە بێهامتا بی بە پەشتیوانو دەورو ژەنۍ.

عەبدوڵا ئۆجالان پارێزنەرو پېوەرە ژیۋای هامبەشیا

ئەردۆغان کە بە ویستو دەورو هەژموونگەرایی تورکیای هەنگامە منیۆ، گەرەکشا دمایی بە پەکەکەی بارۆ. جە ئیسەنە هەمان ئا ئەردۆغانە گەرەکشا عەبدوڵا ئۆجالانی جە هۆش و هۆشیاری مرۆڤایەتی بڕۊرە کە ئینا تەمەنو ٧٥ ساڵینە و زیاتەر جە ٢٥ ساڵان زینانیا. هەڵبەتە عەبدوڵا ئۆجالان پارێزنەرو ژیۋای پېوەرە ژیۋای هامبەشین، پێشنیارو ڕێکوستەی کۆمەڵایەتی و برەودای بە وەڵێکۊتەی و پێشنیارو ئاشتییانەی مکەرۆ."

هەر جە ئەرەیاۋناکەینە جەختکریانۆ چانەی بە زووتەرین کات دمایی بە بێدەنگی بێنە و داواو بەشداربیەی بەهێزیش پەی چالاکییەکا ڕۆمای و میلانۆی کەردەن.

شۊن و کاتو چالاکییەکا ئینەنە:

Roma: Piszzele la melfa, time: 14:30

Milano: Largo Cairole, tim: 14:30