بایندەر: مشۊم عەبدوڵا ئۆجالان ئازاڎ بۆ
هامسەرۆکو گرڎی دەبەپەی کەسکین بایندەر واتش: "چی مېڎانەنە وێنەی گۊرەو ڕابەر ئاپۆی هەن، بەڵام گەرەکمانە بە شێوێوە بەڎەنی چۍ بوینمێش."
مبارەکبایی نەورۆزی
هامسەرۆکو گرڎیی پارتو هەرێمە دیموکراتیکەکا (دەبەپە)ی کەسکین بایندەر جە مەراسیمو نەورۆزینە جە وان قسێش کەردۍ.
بایندەر واتش: "گەلوو کوردی بە مڎرامانوو ۋێش تاریخ منویسۆوە. شایەتۍ نەورۆزێوە تاریخینمۍ. چی مېڎانەنە وێنەی گۊرەو ئێژا ئۆجالانی هەن، بەڵام گەرەکمانە ئېژا ئۆجالان بە شێوێوە بەڎەنی چۍ دلۍ گەلینە بوینمێش. مڎرامانوو گەلوو کوردی و ئەوەکۊشای ئېژا ئۆجالانی قۆناغێوە تازەش دەسپنەکەرڎ. گەلوو کوردی ئیتر زوڵم قبوڵ نمەکەرۆ و ئینەش ئەرەیاۋنان. بە بانگەوازو ڕابەرو گەلوو کوردی ئیتر پرۆسەکە بی بە پرۆسەو گەلوو کوردی. بە زوڵم و زۆرداری دیسان گەرەکشانە ئی پڕۆسەیە شێونا. ئېژا ئۆجالان ۋەرپرسیاریۍ گۊرەش وستەن ئەستۆو ۋێش، بەڵام ۋەرپرسیاری گۊرەیچ ئینا سەرو شانا گەلیۆ. نزیکینمۍ جە ستاتۆ و ئازادی. ئەر ئاشتی بۆ، زەمینەو ئینەی ستاتۆن. هومێڎما بە ئېژا ئۆجالانیا. ئازادی و ئاشتی پەی ئی وڵاتیە مارۆ."
