فڕۆکێوە نەفەرهورگێرو سەر بە هێڵەو ئاسمانی جەجو ئەیری  کاتێ جە فڕگەخانەو مییاننەتەوەیی موسانی شارو موانینە منیشۆوە، کەوتەرە واری. تیمەکێ ئایێرکوشنایۆ و وەرگری شارسانی ئەرەیاوناشا، فڕۆکەکە کاتو نیشتەیۆینە  کۆنتڕۆڵش جەدەسدان، وەرو یاگێ نیشتەیۆ و دیوارو فڕگەخانەکەی کەوتەن.

بەشێوە فرەو فرۆکەکەی سۆت. سەرنشینێوە و کادرێوە فڕۆکەوانی رزگارکریێني. تیمەکێ ئایێرکوشنایۆ ئەرەیاوناشا، کە لاوکەمیۆ ١٢٢ کەسێ ژیوایشا جەدەسدان. فڕۆکەکە بە ١٧٥ سەرنشینێوە جە بانکۆکۆ بەرەو موان لوێ. جگە جە دووێ سەرنشینا کە تایلەندیێ بێنێ، گرڏوو سەرنشینانەکا تەری خەڵکو کۆریای پانیشتی بێنێ.

ئەرەیاویا کە رووەداکەی بە مەڵامەتو گرفتێوە جە سیستمو نیشتەیۆینە رووەشدێنە و سەرەتا سیستمەکە کریانۆ، بەڵام دماتەر جەهەرمانەکەوتەن و کاتو نیشتەیۆ ناچارینە رووەداکەی ڕوەشدان.

هەرپاسە باس چانەیە مکریۆ، کە بە ئەگەری فرۆ بەمەڵامەتو وەرکەوتەو باڵندەکاوە، تایەکێ فڕۆکەکەی زەرەرشا پنەیاوان و کاتو نیشتەیۆینە نەکریێنۍ.