رووبارو بوسراینە جە سەرنیشتوو وەرکەوتو کۆنگۆی دیموکراتیکی کەشتییێ بە ٤٠٠ کەسێوە نوقم بیی. جە کۆو ئا سەرنشینانە ١٠٠ کەسێ بێسەروشۆنێنێ و تەرمو ٣٨ کەسا ئیزیانۆ.

ئا کەسێ بەنیازێبیێنێ بەمەبەسو سەربەردەو پشووەکا کریسمسی و سەرو ساڵێ گێڵاوە پەی لاو بنەیانەکەیشا.

٤ رووەدایێ نوقمبیەو کەشتینە ٢١١ کەسێ گیانشا جەدەسدان

هەرمان بەدەسا دلێینەی باسشا چانەی کەردەن کە بییەو ژمارێوە فرەی جە سەرنشینا مەڵامەتوو رووەداکەی بییەن.

جە مانگەو حوزەیرانینە کەشتیۍ تەر جە کۆنگۆنە نوقم بیی، پا مەڵامەتۆ ٨٠ کەسێ گیانشا جەدەسدا. جە مانگەو ئۆکتۆبەرینە بە مەڵامەتوو نوقمبیەو کەشتیۆ ٧٨ کەسێ گیانشا جەدەسدا  چوار ڕوێ چێوەڵتەر جە ئەنجامو نوقبیەو  کەشتیێوە تەرینە ٢٥ کەسێ گیانشا جەدەسدا بێ.