ئەندامو تیمو کورڎەسان و عێراقی جە ڕێکوزیاو سی پی تی ئەمریکی، کامەران عوسمان ئەرەیاۋناش بەمەڵامەتوو بەردەوامی جەنگی و بۆردوومانی چڕو فڕۆکەی بێفڕۆکەوانی و تۆپبۋارانەکا دەوڵەتو تورکیوە جە مەنتیقەو بەرواری باڵای، جە سەر سەعبوو ئارۆیۆ، ئێر یاوان دلۍ دەگاکا مێرگا قەسرێ و گرێ سۆر و ئەلکیشکێ و جمبلکێ و بێلیزانێ.

کامەران عوسمان ئەرەیاۋناش جە دەگاو ئەلکیشکێنە ئێر یاوان دلۍ یانەو دەگانشینا و باخ و بێستانو هیتیارەکا و قەبرسانو دەگاکۍ، بەمەڵامەتوو بڵێسەو ئێرەکەیۆ، جاڎەی سەرەکی پەی لوای چوەری یاخوڎ ئامای جبەری دلۍ دەگاکێنە وزیانەرە، واتش: " ژمارێوە جە دەگانشینا تاوانشا ۋێشا دەرباز بکەرا و جە دەگاکێنە بەیا بەرۆ، بەڵام جە ئیساتێنە ١٩ خێزانۍ دلۍ دەگاکێنە گیریشا وارڎەن و داواو یاردیدای مکەرا پەی ئانەی نەجاتشا بۆ."

کامەران عوسمان ئاشکراش کەرد بەپاو ئانەی خەمڵیۆ، بەمەڵامەتوو ئێرەکەو ئارۆیۆ نزیکەو ٢ هەزارۍ و ٤٠٠ دۆنما زەمین سۆتەن.