بنه‌یانەکۍ جارێوە تەر به‌مه‌به‌سوو لوای پەی ئیمراڵی داواكارییشا پێشكه‌ش كەرد
بنه‌یانەو ڕابه‌روو گه‌لوو كوردی، عه‌بدوڵا ئۊجالان و بنه‌یانەو یەرۍ زینڎانییای تەروو ئیمراڵی به مه‌به‌سوو دیڎاری، جارێوە تەر داواكارییشا پێشكه‌ش كەرد.
محه‌مه‌د ئۊجالان، براو ڕابه‌روو گەلوو کوردی، عەبدوڵا ئۊجالان، كه ئیمراڵینە ئینا چێروو گۊشه‌گیریی تندینە و پارێزنه‌ره‌كه‌ش، مه‌زڵوم دینچ به‌مه‌به‌سوو پێشكه‌شكەرڎەی داواكاریی دیڎاری، سه‌ردای داواكاری گردینوو كۊماروو بورسای و ڕاوه‌به‌رایه‌تیی زینڎانوو ئیمراڵیشا كەرد.
به هه‌مان نۊع عه‌لی كۊنار، براو عومه‌ر خه‌یری كۊناری، پۊلاد یڵدرم، براو حامیلی یڵدرمی و مه‌لیحه چه‌تینی، واڵۍ وه‌یسی ئاكتاشی، كه ئادێچ ئیمراڵینە زینڎانی كریێنۍ، داواكارییشا پێشكه‌ش به هه‌ردووە ئەرەمەرزیایەکا كەرد و داواو دیڎاریشا كەرد.
نویسگه‌و یاسایی سه‌دهی و بنه‌یانەو زینڎانییاو ئیمرالی، ڕۊو ٢٥ ئاداری ٢٠٢١ه‌وه نه‌تاوانشا هیچ زانیاریێوە باره‌و ڕابه‌روو گه‌لوو كوردی، عه‌بدوڵا ئۊجالانیوە ورگێرا.
س.ز
