گەریلاو هەپەگەی سارا جەزایرە بە شناسنامێ ئارارات تۆلهەڵدانێوە، کە نیسانوو ٢٠٢٤دا لە خواکوڕکنە گەشمەردێ بییە، مەراسیمێوێ شایسەنە کۆبانێنە یادە کریاوە.

مەراسیمەکەنە بنەیانەو گەشمەردە ئاراراتێ قسێشا پەی ئاژانسیما کەردە و باسشا چانەیە کەرد هەرچی ڕووە بدۆ با ڕوو بدۆ تا ئاخروو ژیوایشا سەروو ڕا و فکروو ئازادیی گەشمەرداوە مەناوە.  

تاتەو گەشمەردە ئاراراتێ خەلیل مستەفا سلۆ باسوو ئانەیش کەرد سایێ گەریلایوە ئینێ چێ و بە کۆشیایی گەریلایوە سەرکەوتەی بەدەس مارا و واتش: "دەوڵەتی ئەرەگیرکەروو تورکی بە گرد جۆرێو هجووم پەی سەروو گەلەکەیما مکەرۆ.  بەڵام دەوڵەتی فاشیستی تورکی مزانۆ فرە خاس سەیەو کۆشیایەکاو گەریلایوە سەرێ مگنمێ. هجوومەکاو دەوڵەتوو تورکی شەرمەزار مکەرمێ، داوا جە گردوو گەلی مکەرمێ حاسوو  کۆشیایشا فراوانتەر بکەرا."

هەرپاسە وەفا جەزایرییە واڵێ گەشمەردە ئاراراتێ باسوو ئانەیش کەرد تا ئاخروو ژیوایشا سەروو ڕاو گەشمەرداوە بانە و واتش: "سەرەبەرزەنا بە گەشمەردەبییەی واڵەکێم. پەی گەلوو کوردی مدرامانش کەرد، حەرچندە گەشمەردێ بدەیمێ ئاخرۆ سەرکەوتەی بەدەس مارمێ، سەروو ڕاو گەشمەردە ئاراراتێوە درێژە بە کۆشیای مدەیمێ. ئاراراتە گەشمەردێ بییە، بەڵام بە هەزارن کەسێ یاگێش مگێراوە."

محمەد جەزائیری مامۆزاو گەشمەردە ئاراراتێ سەرنجەش وستە سەروو کەسایەتیی مدرامانکەرو گەشمەردە ئاراراتێ و واتش: "دێرزەمانۆ گەلوو کوردی پەی پارێزنای خاکەکەیش کۆشیاینە بییەن. ئیساتێچەنە ئێمە خاوەنداریی وەنەو خاکەکەیما مکەرمێ. ئارارات جە زارۆڵەییوە کەسێتیێوی سەروازی و قەوەتش بێ، داستانەو کۆبانێ کاریگەریێوی فرەش سەر وەش کەرد و پانەیە بەشداروو دلێ کۆشیای ئازادیی بی و پاسەیچ پێسەو گەریلایێوە گیانش بەخشا بە ئازادیی کوردستانی. بە هەزاران کەسێ یاگێ گەشمەردە ئاراراتێ مگێرمێوە و درێژەپنەدەرێ ڕێکێش مبیمێ."