بۆردۆنە کەسێوە بە کاردی هجوومش کەرد سەروو مەردمی
شاروو بۆردۆینە کەسێوە بە کاردی هجوومش کەرد سەروو یەرۍ کەسا و بە مەڵامەتشۆ کەسێوە گیانش جە دەسدا و دووۍ کەسېچ زامڎارۍ بیۍ، هجوومکەرەکەیچ جە تەرەفوو پۆلیسیوە کوشیا.
شاروو بۆردۆو فەرەنساینە هێزی وێرەگا کەسێوە بە کاردی هجوومش کەرد سەروو یەرۍ کەسا. هجوومکەرەکە چا وەختەنە حۊڵش دا بڕەمۆ، جە تەرەفوو پۆلیسیوە کوشیا.
جە ڕووەدایەکەنە کەسێوە تەمەن ٣٦ ساڵوو خەڵکوو جەزایری کوشیا و دووۍ کەسۍ تەریچ زامڎارۍ بیۍ، کە جە ئیساتێنە خەسەخانەو زانشتگەو بۆردۆینە ئینا چېروو چەمڎاری دکتۊرینە.
جە بارەو ئشناسنامەو هجوومکەرەکەیۆ و مەڵامەتەکاو پەشتەو ئا هجوومەیۆ هیچ زانیاریێوە نە ئەرەیاۋییان.
