کتێبەکە جەلایەنو کۆمیتەو وەرنیشتی (Rojavakommittéerna) هورگێڵنایش پەی کریان، بە هامکاری (Federativ Förlag Heval Förlag) و چاپخانەو مەیمانی چاپکریان.

کۆمیتەو وەرنیشتی ئەرەیاوناش جە ١٢-١٤ و نیسانی جە شارەکا مالمۆ و گۆتەبێرگ و ستۆکهۆڵم، شناسای پەی کتێبەکەی کریۆنە. ئامادەکارا پرۆژەکەی ئەرەیاوناشا، فیکرو دادپەروەری کۆمەڵایەتی و کۆنفیدراڵیزمو دیموکراتیکو ڕابەر ئاپۆی، دلێ ئی هەلومەرجی سیاسینە کە بەردەوام فاڕیۆنە، تاوۆنە چوارچێوێ ژیوای پێشکەش بکەرۆ.

جە ئەرەیاوناکەو کۆمیتەو وەرنیشتی دەربارەو وەڵاکەردەیۆ کتێبەکەی وچیان: "هورگێڵناو ڕیشەکا شارستانییەتی تەنها هەرمانێوە ئەدەبیە نیەنە، هامکاتەنە پەی بانگەوازێوە چالاکییا پەی ئا کەس و هێزا گەرەکشانە ڕیشەو قەیرانەکا ئیسەی یاوانە و گلێرگێوە یەکسان بنیات بنیا. گلێرگەو سویدی بە کێشەو چارەنووسسازی پێسەو فاڕیاو کەشوهەوای و گرژیی سەروازی و نایەکسانی کۆمەڵایەتیی ویەرد، فیکرو ئۆجالانی جەوەراوەرو ئی کێشا تاوۆنە، مۆدێلێوە دیموکراتیکو ئەڵتەرناتیڤی وسۆنە ڕووە".