سیمپۆزیۆموو ڕۆو جیهانیی زوانوو ئەدۍ بە تێماو "مەکتەبنە مافوو زوانوو ئەدۍ و باخچەو ساواڵانە دووەزوانی" کریا.

سیمپۆزیۆمەکە لاو ڤ. برێمەنی و یۆببیەی مامۆسایاو کوردوو ئەورووپای و Gewerkschaft Erzîehung und Wîssenschaft Bremen (GEW-Bremen ڕێک وزیا.

لە ڕۆی دووەموو سیمپۆزیۆمەکەی واتەواچی کریاوە بۍ و پانێڵەکۍ بەرڎەوامۍ بێنێ.  

سیناتۆری وەڵینوو پەروەرڎەو پارێزگاو برێمەنی، د. هانگ ئاماژەش کەرد، کە تورکەکاو برێمەنی هەوڵێشا دێنۍ ڕاگێرۍ با وەرڎەموو دداننیایپۆرەی ڕسمیی زوانیی کوردیرە و ددانیایپۆرەی بە قڕکەرڎەی ئەرمەنییەکارە.

زانیار یایلا مۆنخ ئەندامی وەڵینوو بەشوو دازۍ زانکۆو ئۆڵدنبێرگینە تیشكەش وستە سەروو قۆرتەکاو وەرڎەموو زوانی کوردی و دەوروو کورڎە ئێزدییا جە ورگێرتەی قۆرتەکانە وەرڎەموو ڕسمیشنانای زوانی کوردیرە، واتش: " پڕۆسەو بەڕسمیشناسای زوەانی کوردیینە، پەی ئێمە وەڵێکەوتەێوە هەرە گرنگ بییەی کورڎە ئێزدییا بێ، چونکوم یانەنە بە کوردی دوێنێ".

زارادین ئاگرمان یۆ جە وانیارە یەکەمەکاو پەروەرڎەو زوانی کوردی ئەڵمانیانە واتش: "پێویسا خێزانەکۍ پۆلوو یوەموو مەکتەبی سەرەتاییوە زارۆڵەکاشا کیانا وانەی کوردی".

پسپۆڕ و ڕاوێژکاری پەروەرڎەیی، د. زەرڎەشت حاجۆ واتش: " زانکۆکاو ئەڵمانیاینە سیستمێوە دیموکراتیک هەن، بەڵام وەختۍ باسەکە مۍ سەروو کورد و کوردستانی  نمەتاومێن بواچمێن سیستمێوە دیموکراتیکا. پێسە واچی کورد نەبۆ. بانگەوازوو من پەی سیاسەتوو ئەڵمانیای ئانەنە، دەس چی سیاسەتەیە ورگێرا. دەس جە سیاسەتوو حسابنەکەرڎەی پەی کوردی ورگێرا. زیاتەر جە ملوێنێوە کوردۍ مژیوا. دەس جە سیاسەتوو کیانای زارۆڵاو کوردی پەی وانەی تورکیی ورگێردێ".