ڕێکوستەی دەم پارتی ئامەدەنە سەبارەت بە چالاکییەکاو ١و ئەیلوولی ڕۆو جیهانیی ئاشتینە، بیناو وێشانە نەخشەڕاێوەشا ئاشکرا کەردە، پەرلەمانتاروو دەم پارتی سەرحەد ئەرەن، جە ڕاوەبەراو دەبەپەی چاڵاکاو جمیەروو ژەنە ئازادا (تەژەئا) بەشدارییشا کۆنفراسە ڕۆنامەوانییەکەنە کەرد.

بە پاو ئەرەیاونایەکەی ١و ئەیلوولی ئامەدنە، وان و ئیزمیەرەنە جەمۆبییەی هەرێمی ساز مکریۆ، جەمۆبییەکەی ئامەدی مەیدانوو شێخ سەعیدینە مکریۆ. وەڵێ ئانەینە وەردەموو باڵایانەو ئەی زی سینە جەمێ باوە و بەرەو مەیدانەکە ڕا مپیما.

هامسەرۆکەو دەم پارتی ئامەدی ئامەد گوڵشەن ئۆزەرە ئەوەڵوو کۆبییەیوەکەنە واتش کە ماوەو دەساڵان وەرکەوتوو دلێراسەینە جەنگیوی دژوار مکریۆ و گردوو گەلاو ئی جوگرافیایە، پەنەواییسا بە ئاشتی و ئارامی هەن، ئۆزەرە ئەرەیاوناش چەنی ئادیشا خەڵک کوێ باوە و  بەشداریی زەماوندەو ئاشتینە مکەرا.

لاو وێچشۆ هامسەرۆکو ڕێکوستەی دەبەپەو ئامەدی محەمەد شیرین گوربوز واتش، "چارەسەرکەردەی پەرسەو کوردی بە ئاشتیێوە شکۆمەندانە بۆ، پەی ئاشتیێوە کۆمەڵایەتی مشۆم ئوەڵ دژوو جەنگی یۆی بگێرمێ، گرنگتەرین پەرسەیچ گۆشەگیریین، مشۆم گۆشەگیریی هوربگێریۆ و بەڕێز ئۆجالان بتاوۆ دیدار چنی دەورووبەریش بکەرۆ."

هاموەخت پەرلەمانتاروو بازنەو ئامەدوو دەم پارتی سەرحەد ئەرەن واتش، " فرەو مەیداناو تورکیاینە نادادی بەردەوامەن، حەر دادپەروەریێوە ڕا وەردەموو نادادپەروەریی تەرینە مکەرۆوە، ئا دۆخیچە پاسە مکەرۆ، تندوتیژیی زیاتەر بۆ، تورکیانە قەیرانێ فرە لایەنێ هەنێ، کۆمەڵایەتیێ،سیاسیێ، ئابووریێ و دادپەروەریێ هەنێ".

ئەرەیاونایچش حەرگیز هجوومەکاو سەروو کولتوور و زوانی کوردی و هجوومەکاو سەروو جوگرافیاو کوردسانی قبووڵ نمەکەرمێ. ئێمە دژوو هجوومەکاو سەروو بەها، یۆبییەی زوان و مۆسێقاو گەلینمێ. گەلەکەما دژوو هجوومەکا سەروو بییەی گەلوو کوردی ١و ئەیلوولینە بەیارە مەیدانەکا، تا خاوەنداریی جە شناسنامەی و بەها و خاکوو وێما بکەرمێ، مشۆم ئێمە بە زەماوندە و هەلهەلیوە مەیدانەکانە بیمێ. داوا جە گرد لاێوە مکەروو دژوو ستەمی و نادادی پەی ئاشتی بمجیارە مەیدانەکا و دەنگ بەرز بکەراوە".