بەپاو ئامارە ڕسمیەکا حکومەتوو ژاپۆنی جە ئاکاموو بومەلەرزە حېقمەکەو سەرەتاو ئی مانگۍ ئا وڵاتیە کە بە گوڕوو ٧.٥ پلا بە پیمەروو ریختەری نیمچەدوورگەو نۆتۆیش جە بەحروو ژاپۆنی لرناوە، ١٢٦ کەسۍ گیانشا جە دەسدان.

ئانەیچ ئەرەیاۋیان کە جە مەنتیقەکا واژیما و سوزوی بە مەڵامەتوو بومەلەرزەکەیۆ ٥٦٠ کەسۍ زامڎارۍ بیۍ و ٢٢٢ کەسێچ بێسەروشۊنېنۍ.

ڕۊو شەممەی دماو پەنج ڕووا جە بومەلەرزەکەی چېروو داروپەردوو یانېوە وڕاینە جە سوزو ژەنېوە پیرە ڕزگار کریا و بە پاو میدیاکاو ژاپۆنی جە ئیسەنە ئاژەو تەندروستی ئا ژەنۍ خاسا.