حەرچنە ئاکەپە و مەهەپە ئیدرەنە کاندیدێوە هامبەششا دەس نیشان کەرد، بەڵام دەم پارتی سەرکەوتەیش بەدەسئارد. هامسەرۆکەو شارەوانی دەم پارتی، نەجلا کووم-ە، ئەرەیاۋناش ئی سەرکەوتەیە بە مۆڕاڵ و هاندای گۊرەو گەلی بەدەس ئامان.

هامسەرۆکەو شارەوانی ئیدیری، ئەنجاموو هۊرچنیەکاش پەی ئاژانسوو هەواڵوو فوراتی هۊرسەنگنۍ و ئەرەیاۋناش کە بە مۆڕاڵ و هاندای بەرزوو گەلیوە سەرکۊتەیشا بەدەسئارد. واتش: "تەنانەڎ دماو هۊرچنیەکایچ بە بڕوا و ئازایی و ئیراڎېوە گۊرۆ خاوەنداریش جە دەسکەوتەکاش کەرد و هەڵوێسوو ۋێش بە دۆسی و دوژمنا نیشانە دا."

نەجلا یاڎش ئاردۆ کە ئاکەپە جە هۊرچنیە هەرێمیەکاو ٢٠١٤ و ٢٠١٩ینە بە نایاسایی دەسش سەروو تەماموو شارەوانیەکا گەلوو کوردیرە گېرت و قەیومش یاگېشانە نیارە ، بەڵام نەتاواشا بیاوا بە ئەنجامەکاشا. بەپێچەوانۆ، سیاسەتوو قەیومەکا بی بە مەڵامەتوو شکسدای ئاکەپەی، بەکردارە دژە دیموکراسیەکاو حکوومەتی کە بە تنووتیژی و دەس سەرەرە گېرتەی مافەکا، جە شارە کوردییەکانە دەسشا پنەکەردە بۍ، شکسشا ئارد، جە گرڎیی گرنگتەر بی بە مەڵامەتوو بەرز بیەیۆ ئیرادەی و هوشیاری نەتەوەیی دلۍ گەلوو کوردینە.

نەجلا کووم-ە ئەرەیاۋناش چنی خەڵکی پڕۆژەکاشا دەس پنەکەرا و ئا وەعدۍ بە گەلیشا دېنۍ جابەجێش مکەرا و ئەرەیاۋناش کە بانۍ بە خزمەتکارەو گەلی.