ناوەندو ئەرەیاوناو فیدراسیۆنو کەمئەنداما سەرنیشتوو وەرکەوتوو سوریای سەبارەت بە گەشمەرڏە بییەو ڕۆنامەنوویسا جیهان بیلگینۍ و نازم داشتانی بەیاننامێوەشا وەڵاکەردۆ و ئەرەیاوناش؛ "قەڵەم و کامێراو گەشمەرڏا نازمی و جیهانۍ سەرو زەمینیۆ جیا نمازمێنە."
ناوەندو فیدراسیۆنو کەمئەنداما سەرنیشتوو وەرکەوتوو سوریای سەبارەت بە گەشمەرڏە بییەو ڕۆنامەنوویسا جیهان بیلگینۍ و نازم داشتای کە جە هرووژمێوە ئاسمانی دۆڵەتو ئەرەگیرو تورکیاینە گەشمەرڏێ بیێ، بەیاننامێوەشا وەڵاکەردۆ.
جەبەیاننامەکەنە ئامان؛ "جە ١٩و کانونو یوەمینە هەواڵو گەشمەرڏەبییەو دووێ هەڤاڵا بەقیمەتیما ئەژنی پا هەواڵەیە فرە بێتاقەتێ بییەیمێ ئاڎۍ ڕۆنامەوانێ بێنێ و هەرمانەو وێشا ئەنجام دێنێ. داخەکێم هەردووە هەڤاڵێ ڕۆنامەنوویسێما جە هرووژمێوە دڕندانەو دۆڵەتو فاشیستو ئەرەگیرو تورکیاینە گەشمەرڏێ بیێ.
هەڤاڵاما نازم داشتان و جیهان بیلگینە ئازایانە و فیداییانە لوێ بێنێ بەرەکا جەنگی و دڕندەیی دۆڵەتو تورکی و چەتەکاش سەرو خاکو وەرنیشتوو سوریای وزێنێ وەرو چەما ڕاو گردی و جەهانی. ئاڎێ هەوڵدێنێ حەقیقەتەکا ئاشکرا بکەرانە، ئازایەتی فەرماندە و جەنگاوەرا یەپەژەی و قەسەدەی جە دژو هرووژمە دڕندەییەکا پەی ڕاو گردی فاڕاوە.
بەڵام دۆڵەتو ئەرەگیر و فاشیستوو تورکی کە جە ئاشکرا کەردەو هەواڵ و زانیارییە ڕاسەکا تەرسۆنە، نازم و جیهانەش کەردێ مەرامو و تیرۆرێش کەردێ.
دۆڵەتو فاشیستی و ئەرەگیرو تورکی بە درێژایی تاریخی ڕۆنامەنووسۍ و نوویسەرا ناڕازی و کوردی گەشمەرڎۍ مکەرۆ. هەرچنە کوشتەو ڕۆنامەنووسا جە یاساکا جەنگی و مییانەتەوەیینە تاوانێوە گۆرێنە، بەڵام دۆڵەتو ئەرەگیری و بەڕبەڕی تورکی حیچ سنوورێ مەشناسۆنە، کاتێ باس جە کوردی و کوردەسانی و یەکڕیزی گەلا کریۆنە دۆڵەتو تورکی هرووژمەکاش چڕتەرێ کەرۆوە. چونکی دۆڵەتو تورکی بییەو کوردی و کوردەسانی و پێوەرە ژیوای گەلا بە گۆرەتەرین هەڕەشێ پەی سەرو وێش مزانۆنە.
دۆڵەتو ئەرەگیرو تورکی و چەتەکاش بە دڵنیاییۆ قەد پا ئەنجامەیە مەیاوۆنە کە وەرمش پۆوە وینان. حەقیقەت قەد جە تاریکینە نمەمەنۆوە. گەلو کوردی، ئەرەیاوناو ئازادی، شوێنکەوتێ ئاپێ مووسای، نازمی و جیهانەکا هەرچێوێ بۆ لایەنو حەقیقەتی هۆرچنا.
پێسەو ڕۆنامەنوویسا فیدراسیۆنو کەمئەنداما سەرنیشتوو وەرکەوتوو سوریای قەول بە نازم داشتانی و جیهان بیلگینۍ مڎەیمێ کە قەڵەم و کامێراکاشا سەرو زەمینیۆ جیا نمازمێنە. هەرپاسە سەرو هێڵەو گەشمەرڏا گوربەتەلەیا، دەنیزا، نازمی و جیهانۍ و دەیان هەڤاڵێ ڕۆنامەنوویسێما کە جە ڕاو حەقیقەتینە ژیوایشا بەخشا، بە بەردەوام کەردەی ڕێبازیشا یاڏشا بەرز ڕاگێرمێنە.
پا بۆنۆ سەرەوەشی وێما ئاراسەو بنەیانەو هەڤاڵاما نازم داشتانی و جیهان بیلگینۍ و گەلەکەیما و ئەرەیاونای ئازادی و گردوو ئازادیوازا مکەرمێ."
