ڕابەر ئاپۆ وەختێ هەوڵێش دێ، کۆشیای ئازادیی کوردسانی گەورە بکەرۆ پایتەختوو تورکیاینە تا دەگا و شارەکاو کوردسانی فرەو یاگا گێڵا. یۆ چا یاگا کە گەشتش چنە کەرد کۆبانێ بێ. ئا شارە کە داراو میراتێوی گەورەو کۆشیای ڕابەرێتینە جیهانەنە و بیێنە هێماو مدرامانی.

بێگومان کاریگەریی ڕابەر ئاپۆی سەروو ئینسانبییەیوە یەک جار فرەن، بنەیانەو موسایچ یۆ جە بنەیانە وەڵاتپارێزنەکاو کۆبانێنێ،کە کاریگەری و ڕابەرایەتیی مدرامانوو ئادیشا سەرۆ بێ. گەریلا ژیان رێدورە (دارشین موسا) پێسەو ئەندامێوە بنەیانەوی وەڵاتپارێزنوو موسای دیمەشقەنە پەیدێ بییە. دارشین موسا کە ناچارە بییە زارۆڵەییوە دوور جە کوردسانی بویەرنۆ، سەرباروو ئانەیچە کولتوور و زوانو وێش پارێزنا، حەر جە زارۆڵەییوە کۆشیای ئازادیی پەکەکەیش ئشناسا، بەتایبەت سەرسامەو گەریلای بێ.گەنجیشۆ  وەختێ براکەش دەلیلموسا (ڕێدور) بەشداروو ڕیزەکاو گەریلای بێ، کەوت شۆنیرەلوای بارەو کۆشیایوە. براو دارشین موسای ساڵەو ٢٠١٧ ڕووەش کەردە کەشەکاو کوردسانی بەشداروو ڕیزەکاو گەریلای بی.

دارشین موسا کەشەکاو کوردسانینە ڕیزەکاو گەریلاینە، نامێ وێش نئان ژیان ڕیدورە، پڕۆسەو پەروەردەینە بەفرەیی سەروو تارێخوو کوردسانی و پەکەکەی و تارێزوو ژەنێوە وێش قووڵ کەردۆ. چا ماوەنە فرە ڕووەدایێ کارییگەرییشا سەرۆ نیارە. ئادێچێ بیێ بە ئەزموون پەیش. ڕاو پەروەردەیوە ماوێوە فرە کوڵەنە وێش وست وەڵێ و  بییە بە جەنگەوانیوە بڕوابەوێ،   کە گردوو هەرمانەکاش بەتەنیا کەرێ، گەریلا ژیانە  جە ئەکادیمیاو گەشمەردە ڕۆژین گەوداینە، پەوروەردەی ئایدۆلۆجی و سەروازیی وێش وست وەڵێ و فەلسەفەو ڕابەر ئاپۆینە وێش قووڵ کەردۆ.

فرە بە کۆشیای گەشمەردە ڕێبەری و هێژاری سەروو خەتەو فیادییوە کاریگەرە بێ

ژیان رێدورە دژوو هجوومە قڕکارییەکاو دەوڵەتی تورکی کۆلۆنیالیستی، کۆشیای گەریلایی سەردەمی تازەینە وێش قووڵ کەردۆ. گەریلا ژیانە هەوڵێش دێ پیمانەکاو ئازادیی کە بە هەوڵ و مانیای ڕابەرایەتی خولقیێبێنێ، کەسایەتیی وێشنە وێنا بکەرۆ و وەڵێنیارش کەرد لۆ ئا یاگا، کە ئینێ چێروو هجوومی قورسوو دەوڵەتی تورکی کۆلۆنیالیستینە، پەوکای لوا مەتینا. هەرێمو زەندورەینەچەنی فەرماندەی سەرمەشق گەشمەردە ڕێبەری و هێژاری  دژو دوژمنی فیداییانە کۆشیا و بییە بە هامڕاشا،کۆشیای هامڕا قارەمانەکا گەشمەردە ڕێبەر و هێژار، فرە کارییگەریش سەرۆ نیێرە.

گەریلا ژیانە پێسەو گەریلاێوە یەژاستاری تا بۆنە بە مدرامانیوە، کە ڕۆحوو سەردەمیوە نەبەزیێنە و سەرەش هوردان، چەنی هامڕایاو وێش دژوو هجوومەکاو دوژمنی بە ئازایی و قەراردارییوە چەنگش کەرد. گورزی قورسش شانا وەنەو دوژمنی چەنی تەقنای حەر فیشەکێوە دڵوەشە بێ کە هەقەو گەشمەردە ڕێدوری و سەدا هامڕایاش مکەرۆوە، پەوکای سەرەمڕ پەنجێش سەروو پەلەپیتکێ تفەنگەکەیشۆ بێ.

گەریلا ژیانە فرەو مەیدانەکاو مەتیناینە هەرمانێ پراکتیکیێش کەردێ، دما جاریچ مە٤یدانو مدرامانوو سەروو مەتیناینە، بییە بە یوە چا گەریلایا کە ئەوەڵ جوابشا بە هجوومە ئەرەگیرییەکا داوە.

٣٠ حوزەیرانوو ٢٠٢٤ ساڵیادوو گەشمەردەبییەییوە جە کادرە سەرمەشقەکاو پەکەکەینە گەشمەردێ زیلان (زەینەب کناجی)  جە هجوومێوە دەوڵەتوو تورکینە چەنی هامڕایاش دژوار کەلەش و نەواڵ مێردینێ ئامێتێ کارەوانوو نەمرا بییە، تا هەقەو برا گەشمەردەکەیش رێدور کۆبانێ بکەرۆوە بەشدارییش ڕاپیمای ئازادیینە کەردەبێ و فرە هامکاریی هامڕایەکاش کەردەبێ.