دەسەو ڕاوەبەڕی یانەو ژەنا ھۆرامانی ( یەڕەژە )ی بە نیایرەو تاجە گوڵینەی سەروو گڵکۆو مامۊسا جەمیل نەوسووڎیی و ۋەنایۆ پەیامێ ھام خەمی بەژدارۍ مەراسموو چلۍ کۆچوو سان و سیاوچەمانەی بییۍ .
هێزی یەکشەممە ٢٦ نەورۆزی بەشۍ جە دەسەو ڕاوەبەڕی یانەو ژەنا ھۆرامانی بەشداریشا جە مەراسیموو چلۍ هونەرمەنڎیی گۊرەو هۊرامانی(مامۊسا جمیل نەوسوڎیی)نە کەرد، بەوەڵا کەردەیۆ پەیامێوە هام خەمی ۋێشا بەربڕی.
دەقوو پەیامەکەو یانەو ژەنا هۊرامانی ئینەن :
وەهاروو نەبیەیت، شەوە زەنگەو زمسانی مرمانۆ.شادیانەو نەورۆزوو نەبیەیت گرد پەی ئێمە ماتەما و کۆس کەوتێوا هەکە گردێما ساحێب مەردێنمێ و بە وێما سەرەوەشی ماچمێ و بە وەهاری .
هاڕەو وەرواوێ تێکەڵ کەرمێ چنی مێلۆدی سیاوچەمانەیت و سەحەریانە ئاسا تەک تەکوو سەحەروو نەبیەیتەنە کەرمێش سروودەو وەشەویسیت و هەوڵ مدەیمێ سۆکنایی دەیمێ بە دڵ و دەروونیما و وانەو پێوەرە ژیوای کە نیشانەت دایمێ سەر ساحبوو گردوو ڕوەکا و وێرەگا وەختەو گردوو ساتەکاو نەبیەیتەنە سیاوچەمانەت گۆش دارێمێنە و واوەی چنی دەنگە ئەفسووناویەکەیت ژووژیەیمێوە و چەکەرەو حەز و ئاواتی تەنگنمێوە و وارانوو تەسکینەو دەنگیت باڵێ گێرۆ سەر تا سەروو هەورامانی ئازیزیەنە و پەی هەمیشەی یادت سەوز مەنۆوە و مسیارەکێت وانگاو وەشەویسیتەنە وانەو سیاوچەمانەی بواناوە.
بە ئاواتوو ئا ڕۆیە... یانە وژەنا و هەورامانی
