۱- هەر ئانەی کە سەرۆکو پارتەکا ۋێشا گەرەکشا نیا بانۍ بە پارلەمانتارۍ و بلانە پارلەمان، واتە حیزبشا جە پارلەمانی و سەردارو حزبیشا پنە گەورەتەرا جە نوێنەرو گەلی.

 ۲- پارلەمان یاگۍ دۆڵەمەڼ کەردەی خەڵکی نیەنە یاگۍ یاسانیایرە و قەراری چارەنوویسسازینە و نوێنەرایەتی گەلی و دەنگداین سەرو دەستوری پەرسایۆ چا حکومەتەی وەش مکریۆ پیۍ وارو حیزبی و ماساوچیۍ نمەتاوا خاوەنوو ئا هەنگاما با، کە ئاڎۍ کیانیۍ ئیتر پارلەمان فت.

۳- کەسایەتی و سەنگینی و سەرو ۋێیی و ئېژایی و هۊرنەشیەی و حیکمەتداری و خاوەن عیلم مشۆم نوێنەرۍ گەلی با، نمەکریۆ کەسانۍ بەقۆپیە بەرێشنیۍ، یان ۋۍ و گەل بەقوربانیکەرۍ سەرۆکی بانۍ بە پارلەمانتار.

٤ - شارەزاو کۆمەڵایەتی نەتەوەساز و زۋانزان و بەربڕیەی ئاستی بەرزو قسەکەردەی و ئاگاڎار جە کەین و بەینو دلېینەی و بەرو هامسای مشۆم بکریا بە نوێنەرۍ گەلی تا گەل فەخرشا پۆوە بکەرۆ بێ زەحمەت با حیزبەکۍ کورڎەسانی مقارنۍ نوێنەرەکا ۋێشا و نوێنەرەکا دەمپارتی بکەرا.

  ٥- چن بەهادینۍ ئەدەب، ئەحمەد تورک و سەلاحەدین دەمیر تاش و لەیلا زانۍ مکیانمۍ پارلەمان، کێ مکېیانمۍ تا جە پەیامەکاو دانیاڵ میتەرانۍ و تیلەرسنی بیاوۆنە و دماو دەواموو پارلەمانی جیای بارەگاو حیزبی دلۍ جەماوەری و چنی جەماوەری بۆ.

 ٦ پارلەمان مېڎانو ئاژەڵا و چایخانەی پەڕ جە نێرگەلەو دۆمینەو سەفەر و گەشت و گێڵی نیا، نوێنەرایەتی کەردەی و داکۆکی کەردەیا جە گەلی مکریۆ بەفلتەری فرە قورسەرە ۋییەرا تا یاوا پا یاگۍ.

 ۷- گرنگا خەڵک هۆشیارانەو ئاگایانە ئا نوێنەرا بێزۊوە و ملکەچانە و گۆشدارانە بەئەمرەو حیزبی نەجمۆوە و مەسڵەحەتی گرڎین ۋەرچەم بگېرۆ، پەی ۋێچش ئاوەز بەکار بەرۆ نەک سۆز.

 ٨ - پارلەمان لاو کەمیۆ عالتەرا ئەگەر گرڎیچ نمونە عالەکۍ و کەسانۍ باڵۍ دلۍ گلێرگەی نەبا ، نیمەشا ئانۍ با، قیروسیا جە نیمەکەی تەری ، تا ئا کاتەی ۋەرە ۋەرە گرڎ عالۍ با، خۆ پارلەمانو بەریتانیایچ ئیساتێچ جەنمونە خراپەکەیش ئینا چنە بەڵام نیمە عالەکە ئیساتۍ زیاتەرا.