کوردستانیێ کە ٣ ساڵێن پەی ئازادیی ڕابەرو گەلو کوردی عەبدوڵا ئۆجالانی گرد حەفتێوە وەردەمو نەتەوە یۆگێرتەکانە چالاکیی مکەرا، داواشا کەردە" با ١٥-١٩و نیسانینە وەردەمو سی پی تی-ینە پەی ئازادیی ڕابەرو گەلو کوردی عەبدوڵا ئۆجالانی هاوار بکەرمێ".
چالاکیی ئەرەنیشتەی ٢٥و کانوونو دووەمو ٢٠٢١یـوە گرد چوارشەممێوە وەردەمو نوێنەرایەتیی نەتەوە یۆگێرتەکانە شارو ژنێڤو سویسراینە پەی ئازادیی جەسەیی ڕابەرو گەلو کوردی عەبدوڵا ئۆجالانی چالاکیی مکەرا.
چالاکیی ئی حەفتەیە بە دەیەقێوە ڕێزگێرتەی وەنەو گەشمەردا دەسش پەنە کەرد، دمایی بە نامێ کۆمیتەو چالاکییەکەیۆ ڕەمەزان بایتار قسێش کەردێ.
بایتار واتش: "حەرچندە فەلسەفەو ئازادیی ڕابەر عەبدوڵا ئۆجالانی هومێدبەخشو گەلان، بەڵام هێزە میاننەتەوەییەکێ ئی فەلسەفەیە بە تەرسی پەی سەروو وێشا مزانا و وەراوەرو گۆشەگیری سەرو ڕابەر ئاپۆی بێدەنگێنێ. ئارۆ نەتەوە یۆگێرتەکێ و سی پی تی و ڕێکوزیایەکاو مافو ئینسانی پەی بەرژەوەندیی دەوڵەتا هەرمانە مکەرا".
ڕەمەزان ئەرەیاوناش بەینو ١٥-١٩ی نیسانینە ستراسبۆرگنە چوارچوە هەڵمەتەو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی" چالاکیی ئەرەنیشتەی دانیشتن مکریۆ، داواش کەردە پەی بەشداربییەی.
دمایی چالاکیی ئەرەنیشتەی بەردەوام بێ.
