جەنگاوەرا ژەنا ئایری و ڕۆژی جە چالاکییە هاککەرەکاشا پەی سەرو ماڵپەڕی و ئەرەمەرزیا ڕسمیەکا دۊڵەتو تورکی بەردەوامێنۍ، ئەرەیاۋناش ماڵپەڕو ڕسمی پەڕلەمانو تورکیایشا هاک کەرڎەن.

جە ئەرەیاۋناکەو جەنگاوەرانە ئامان: "چالاکییەکە پەی ئاگایی بیەن بە دۆڵەتو تورکی. مشۊم دەمودەس پەڕلەمانو تورکیای پەی ئازادی بەڎەنی ڕابەر ئاپۆی قەرار بڎۆ و ڕابەر ئاپۆی جە ئیمراڵینە بەربارۆ."

جە ئەرەیاۋناکەینە ئاماژە پانەی کریان تا ئازادی بەڎەنی ڕابەر ئاپۆی جە چالاکییەکاشا بەردەوامۍ با.

دماو هاککەردەی ماڵپەڕەکەی جە لایەنو چالاکاوە سەرو ڕووپەڕو ماڵپەڕو پەڕلەمانو تورکیایۆ ڤیدۆو گۆرانیەو گەشمەرڎە هۆزان سەرحەدی نریانەرە و سەرشۆ نویسیان "تا سەرۆک ئازاڎ نەبۆ، ئاشتی بیەیش نییا" وەڵا کریانۆ.