چالاکیی ڕاپیمای درێژی جە فەرەنسانە ١٣ ڕوێن بەردەواما
چالاکیی ڕاپیمای درێژی پەی ئازادیی ڕابەر ئاپۆی و چارەسەری پرسو کوردی جە ڕۊو ١٣ هەمینە جە شارو درانسینە بە جۆشۆ بەردەوام بۍ.
بە دیمەن
ئا ڕاپیمایەی جە ٢١ و کانوونو دووەمینە جە شارو لۆرێنتی فەرەنسای دەسش پنە کەرڎ، بە جۆش و خرۆش و پەشتگیریۍ گۆرۆ بەردەواما.
چالاکا جە ١٣ هەمین ڕۊنە ۋەردەمو وێستگەو قیتارو درانسینە کوۍ بیێوە و جە لایەنو کوردەسانیا شارەکەیۆ خێرامایشا ۋنە کریا.
جە ڕاپیماکەینە درووشمەکۍ "ئازادی پەی ئۆجالانی" و "بژیۋۆ سەرۆک ئاپۆ" و "بژیۋۆ مڎرامانوو ۋەرنیشتی" و "بژیۋۆ مڎرامانوو گەریلای" وچیێوە.
چالاکا سڵامشا ۋنەو مڎرامانوو ۋەرنیشتی و چالاکییەکا گەریلای جە گابارەنە کەرڎ و پەیامو پەشتگیریشا جە جاڎەکانە بەربڕی.
ۋەردەمو شارەوانی درانسینە ئەرەیاۋنێوە ۋنیاوە، ئاماژە پانەی کریا چالاکییەکە پەی ئازادی ڕابەر ئاپۆی و کوردەسانی ئەنجام مڎریۆ، وچیا: "تەنیا ئامانجما ئانەنە، هەڵمەتەکۍ بیاوۆ ئەنجام، هەلومەرجو ئازادی ڕابەرایەتی بڕەخسیۆ و پرسو کوردی چارەسەر بۆنە".
چالاکا تەئکیدشا کەرڎۆ مڎرامان جە هەرێمەکاو پارێزنای مەدیای و چوار لاو جەهانینە درێژ بۊوە و ئەوەکۊشایۍ یۆگێرتەن.
دماتەر بانگەوازکریا پەی بەشداربیەی جە ڕاپیمای و گلېربیێەی ١٥ و شوباتی جە ستراسبۆرگنە.
