چالاکییەکە بە  سەرمەشقایەتیی کۆمەڵەو هامکاری و پەشتیوانیی بنەیانەو زیندانییا و حکومدریایا مەڕمەڕە (مەتوای-دەر)ی و بنەیانەو زیندانییا لوا ڕاوە، پەرلەمانتارەو دەم پارتیی ئیستەنبوڵی چیچەک ئۆتلو، نوێنەروو رێکوزیا مەدەنییەکا و پارتە سیاسییەکا و هاموەڵاتێ بەشدارێ بێنێ.  

چالاکییەکە وەردەموو زیندانوو ژەناو باکرکۆو ئیستەنبوڵینە کریا، پانکارتوو "پەی ئاشتی جڤاکی گۆشەگیری هوربگێرە و دەنگیت بوزە پاڵوو ئازادی" هورگیریا.

ئەداو زیندانیێوە فینجە ئاکمانە چالاکییەکەنە قسێش کەردێ، باسوو دۆخی خراپوو کوڕەکەیش یەعقوب ئاکمانیش کەرد و کە مانیش جە واردەی گێرتێنە و ١١ ڕوێن ئینا گۆشەگیریی تاکەکەسینە و قەدەغەو دیداریش ملەرە سەپیان، واتش: "با بڕێو سۆز و ویژدانتا بۆ و چی پاسە بە ڕۆڵەکاما مکەردێ؟ ئێمە قبووڵش نمەکەرمێ".

پەرلەمانتار چیچەک ئۆتلو تیشکەش وستە سەروو گۆسەگیریی ڕابەروو گەلوو کوردی عەبدوڵا ئۆجالانی ئاماژەش پانەیە کەرد نزیکەو چوار ساڵان هیچ زانیارییوەش بارەوە نییەن و واتش:" ئامانجوو چالاکییەکەیما دەسکەوتەی زانیاری و مسۆگەرکەردەی ئازادیی بەڕیز عەبدوڵا ئۆجالانییا، دەسەڵاتی فاشیستیی ئاکەپە-مەهەپەی ناچارا بەرەو ئیمرالی بکەرۆوە و را بە دیداری بدۆ. تا هورگێرتەی گۆشەگیری و ورگێرتەی زانیاری وەنەو بەڕێز عەبدوڵا ئۆجالانی، کۆشیایما بەردەوام مبۆ. واوەی داوا مکەرمێ گردوو زیندانییە نەوەشا ئازادێ بکریا".

دمایی چالاکیی ئەرەنیشتەی کریا و درووشمێ بەرزێ کریێوە.