کوردستانیێ و دۆسەکێشا شارەکاو ئەورووپاینە دژوو گۆشەگیریی ئیمراڵی و پەی ئازادیی جەستەیی ڕابەروو گەلوو کوردی عەبدوڵا ئۆجالانی، چالاکیێ جیاوازێشا کەردێ.  

فرانکفۆرت و هاگەن

شارەکاو فرانکفۆرتی و هاگەنوو ئەڵمانیاینە دەربارەو گۆشەگیریی سەروو ڕابەروو گەلوو کوردی عەبدوڵا ئۆجالانی، کۆبییەیۆ گەلی کریا.

چوارچوەو هەڵمەتەو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی" هەردووە شاراو فرانکفۆرتی و هاگەنوو ئەڵمانیاینە دەربارەو گۆشەگیریی ئیمراڵی گەل کۆ بیێوە.  

کۆبییەیۆکەو فرانکفۆرتی بە ئامادەبییەی زیاتەر جە ١٥٠ کوردستانییا، سیاسەتمەدار کەمال ئاکتاش واتش، ڕاو ئاشتی کوردستاننە و ئازادیی گەلوو کوردی بە ئازادیی ڕابەروو گەلوو کوردی عەبدوڵا ئۆجالانیوە مێ دی.  

کۆبییەیۆکەو هاگەنینە، دیلەک ئۆجالانە پێسە قسەکەرێ بەشدارە بییە، دەربارەو گۆشەگیری و پیلانگێڵنی میاننەتەوەیی ١٥ شوباتی دوا. حەر جە کۆبییەیوەکەنە، داوا کریا پەی بەشداربییەی قەوەتی جە ڕاپیمای ١٧ شوباتینە کۆڵننە.

ئەمستردام

چوارچوەو هەڵمەتەو "ئازادیی پەی عەبدوڵا ئۆجالانی، چارەسەری سیاسی پە پەرسەو کوردی" و بە سەرمەشقایەتیی تەڤگەروو گەنجە شۆڕشگێڵنا و ژەنە گەنجە کۆشەرا، ڕاپیماێوە شاروو زاندامیوە تا ئەمستردام کریا.

هامسەرۆکاو دەم-نەدی و هامسەرۆکاو مەجلیسوو جڤاکی کوردی دیموکراتیکوو ئەمستردامی و دان هاگ و ئارنهەم و قسەکەراو کۆمۆنەو ڕۆتەردامی و چندین کەسێ بەشدارێ بێنێ.

چالاکییەکەنە وچیاوە قبووڵ نمەکریۆن ڕابەروو گەلوو کوردی عەبدوڵا ئۆجالان ٢٥ ساڵێن گۆشەگیرینە مەنۆوە و داواو ئازادییش کریا.

هەرپاسە داوا کریا پەی بەشداربییەی جە ڕاپیمای  ١٧ شوباتی کۆڵننە.