ئێشکگێرێی دادپەروەری بە سەرمەشقایەتیی کۆمەڵەو پەشتیوانیی بنەیانەو زیندانییا و حکومدریایا ئەگێ و تەڤگەرو ژەنە ئازادا (تەژەئا) جە نوێنەرایەتیی دەم پارتیینە گەڕەکەو چیمەنتەپەینە ٤٩ ڕوێن بەردەواما. جە چالاکییەکانە درووشمو "بژیوۆ سەرۆک ئاپۆ"ی و "بێ سەرۆکی ژیوای نمەبۆ" و "بژیوۆ مدرامانو زیندانی" و "ژەنی، ژیوای، ئازادی"ی بەرزێ کریێوە، ئەدێ هێلەکشا پۆشا و سەرشۆ نویسیابێ  "گۆشەگیری تاوانێوی دژو ئینسانیەتیین".

ئەداو یۆ جە زیندانییا، حەنیفە گوموشە تیشکەش وستە سەرو مانگێرتەی جە واردەی زیندانییا و واتش: "تا داواو ڕۆڵەکاما نێ دی کۆشیایما بەردەواما. ئێمە ئینایمێ پەشتەو ڕۆڵەکاماوە. تا گۆشەگیری سەرو سەرۆکایەتی و ستەمو سەرو زیندانییا بەردەوام بۆ، داواکاما تازێ مکەرمێوە".

ئێشکگێریی دادپەروەری بە سەرمەشقایەتیی کۆمەڵەو پەشتیوانیی بنەیانەو زیندانییا و حکومدریایاو مەڕمەڕەی  بیناو ڕێکوستەی دەم پارتی-ینە سوڵتانغازی ١١٩ ڕۆێن بەردەواما.

قەومەو زیندانیی، فینجە ئاکمانە واتش بەغەمگینییوە خێرامای وەنەو ڕەمەزانی مکەرانێ و زیندانیێ نمەتاوانێ بنەیانەکاشا بوینا و واتش: "گەرەکمانە ڕۆڵەکێما جەژنەنە چەنی ئێمە بانێ نەک زینداننە".

هەرپاسە قەومەو زیندانی گاتمە یەنی-یە واتش گەرەکمانە جەژنەنە چەمێما بە کەسوکاریما بگنۆ، ئاماژەش پانەیە کەرد چی وەختنە گرد لاێو حەز مکەرانێ چەمشا بە کەسوکاریشا بگنۆ، بەڵام ئێمە پێسەو قەوماو زیندانییا هیچ زانیاریێوە بارەو زیندانییەکاماوە نمەزانمێ.