ئێشکگێریی داڎپەروەری چوارچوەو کەمپەینوو "ئازاڎیی پەی عەبدوڵا ئۊجالانی، چارەسەری دیموکراتیک پەی  پەرسەو کوردی" وان و ئامەد و ئیستەنبوڵ و ئەدەنەنە بە بەرزکەردەیۊ درووشموو "ئازاڎیی پەی عەبدوڵا ئۊجالان"ی بەردەواما.

چالاکییەکەو وانی بە بەشداریی فرەو پارت و ڕێکوزیا و کەسێتییەکا بەردەوام بی. چالاکییەکەنە درووشمەکاو "بژیوۊ مدرامانوو زیندانی" بەرزۍ کریێوە، ڕاوەبەروو پارتوو یەکسانی و دیموکراسیی گەلا (دەم پارتی) جە ڕاو ئاوریشمی، دەوڵەت چیفتچی ئاماژەش پانەیە کەرد، پێویسا گۊشەگیری سەروو ڕابەروو گەلوو کوردی عەبدوڵا ئۊجالانی ورگیرییۊ.

چالاکییەکەو  ئامەدی، پانکارتوو " جە ئەدایە قارەماناوە، هەزاران سڵامۍ پەی زیندانی، بە هێزوو وێما گۊشەگیری ماڕمۍ و ژیوای ئازاڎ مەرزنمێرە" بەرزۍ کریێوە. نازیمە چۊکدالانە جە سەردای چالاکییەکەینە، واتش: "تا گۊشەگیری ورنەگیریۊ، کێشەکۍ چی وەڵاتەنە چارەسەرۍ مەبا. بە هومێدوو ئانەیە ساڵەی تازێنە، گۊشەگیری ورگیریۊ و ئاشتی و ئارامی چەسپییۊ".

چالاکییەکەو ئەدەنەینە، چالاک موراد تورگای واتش: "گۊشەگیری تاوانێوە گەورەن. نە ویژدانین نە ئینسانی. مشۊم  ئی گۊشەگیرییە بمەڕیۊ و پەشتگیری ئی چالاکییەیە کریۊ".

چالاکییەکەو ئیستەنبوڵینە چالاکۍ پەیاموو پەشتیوانی و هومێدی و وێڕێکوستەیشا ئەوەخوای کەردۊ. جەمیلە چیفتچییە چالاکییەکەنە واتش، کە داواو ئازاڎیی جەستەیی ڕابەروو گەلوو کوردی عەبدوڵا ئۊجالانی کەرمێ.