چلێ پەی هونەرمەندی گەورەو هەورامانی جەمیل نەوسوودیی گیریا
بە بەشداریی جەمێو جە فرەو هونەرمەند و کەسایەتی و نویسەر و ڕۆشنویرا، هیزی شاروو نەوسوودەو وەرکەوتوو کورسانینە، چلێ گیریا پەی هونەرمەند جەمیل نەوسوودی.
دماو ویەردەی چل ڕوا سەروو کۆچی دمایینو گەورە هونەرمەندوو هەورامانی جەمیلی نەوسوودی سیاچەمانەواچوو هەورامانیرە، بە نامونیشانوو "تا هەناسێو هەن دڵوو وەتەنیەنە چریکەو دەنگیت ژیوای مارۆ" بە بەشداریی جەمێو جە نویسەرا و ڕۆشنویرا و هونەرمەندا و هەورامانی و کوردەواری جە نەوسوودەو ماواو هونەرمەندینە، وەرکەوتوو کوردسانینە چلێ پەی هونەرمەندی نامەبریای گیریا.
مەراسیمو چلەکێنە جگە جە نیایرەی تاجەولینا سەرو ئارامگەو کۆچکەردەیۆ چند ئەوەلاونایێ و باسکەردەیێ سەرو ژیوای و کارەوانی هونەری گەورەهومەرمەندیوە باسێ کریێ.
یاگێ واتەینە، هونەرمەندی نامیەو هەورامانی ڕۆو دووەشەممەی ٤-ئازاروو ٢٠٢٤ وەرکەوتوو کوردسانینە و ماواو وێشنە دماو ٧٨ ساڵا خزمەتی هونەری عەمرەو خوایش کەردە.
