ڕێکوزیاو مافوو مرۆڤی نیورکەنە ئەرەیاۋناش، گلێرگەو بەهاییەکا یۆنۍ جە پێکئامایە کەمینەکا غەیرە موسڵمانی جە ئێرانەنە کە ڕووبەڕوو گێرتەی باوە و ماڵ ومڵکشا دەسش سەرەرە گیریۆ، جە دەرفەتوو هەرمانۍ و ۋەنای بێبەشۍ کریا و تەنانەڎ جە مافوو ڕاوەبەردەی بۆنە ئایینیەکاشا و مەراسیمو ئەسپەردەکەردەو مەردەکاشانە ڕاگیریشا چنە کریۆ.

جە ئەرەیاۋناکەینە ئامان، "کاریگەری پەردەپۆشکەردەی ئا ستەمکارییە سیستماتیکییە دەیان ساڵێن بەردەواما، پا مەعنێنە کە بەهاییەکۍ بە شێوێوە جددی جە مافە سەرەتاییەکاشا بێبەشۍ کریا و ئینەیچ تاوانێوە دژ بە مرۆڤایەتینە".

حەرپاسە ئامان کە حەرچنڎە پاشێلکەردەی مافوو بەهاییەکا بە ویەردەو وەختی فاڕیایش سەرەرە ئامان، بەڵام چەوەسنایشاوە پێسە ۋێش مەنەنۆ.

بەهاییەکۍ، شۊنکۊتۍ بەهائوڵاینۍ کە جە ساڵەو ١٩١٧ جە ئێرانەنە جە ئەڎۍ بیەن. بەهائوڵا پێغەمبەر و ئەرەمەرزنەروو ئی ئاینە یەکتاپەرستیەینە کە پارێزنەروو یۆبیەی و یەکسانییا.