چېرو دەسا ئاسایشو پەدەکەینە کەسۍ گیریا گیان جە دەس مڎۊ
هێزەکۍ پەدەکەی زیرەک عەلی محەمەڎشا جە هۊلێرنە گېرت، دوۋۍ سەعاتۍ دماتەر بە تەلەفۆن بە خانەواڎەکەیشا ئەرەیاۋنا کە بلا و جەنازەو کوڕەکەیشا جە مەیت خانەنە هورگېراوە.
هېزی نیمەڕۊ هۊلێرنە کەسێوە بە نامۍ زیرەک عەلی محەمەڎی عومر ٤٠ ساڵ کە جە واردنگېۋەنە هەرمانە کەرۍ ئاسایشو پەدەکەی ئەرفا. دماو دوۋۍ سەعاتا بە خانەواڎەکەیش وچیا کە زیرەک گیانش ئەسپاران و لاشەکەش ئینا دکتۊری داڎوەری هۊلێرینە.
زانای براش سەبارەڎ بە روۋەداکەی ئەرەیاۋناش: براکەم جە وەختېنە خەریکو کەسابەت و ۋېش بیەن یاگۍ هەرمانەکېشەنە جە لایەنو بنکەو ئاسایشو سەیداوایۊ گیریان. دماتەریچ ۋاتەنشا لاشەکەش ئینا دکتۊری داڎوەرینە. جە مەرڎەی براکەیما گومانەما هەنە. ئاسایش چا ڕوۋەدایە وەرپەرسا".
زانا محەمەڎ ئانەیچش وست ڕوۋە حەتا مەڵامەتو مەرڎەو براکەیشا نەزانا جەنازەکەیش هورمەگېراوە. زانا محەمەڎ ۋاتش، ئەگەر مەڵامەتەکەی ڕۊشن نەکەراوە جەنازەکەی بەرا پۍ دکتۊرو داڎی جە سلێمانی.
هـ . ش
