ڕوانگەی سووری بۆ مافەکاو ئینسانی (سۆهر) واتش، چەتەکاو داعشی ٨ سەروازێ فیرقەو ١١حکومەتو دیمەشقیشا کوشتێنێ و یۆشا ئەفسەرا. ئی سەروازێ ٢٦ ئادارینە مەنتێقەو کەباجبەیۆ بەرەو سوغنەو دەیرەزۆر لوێنێ، چا وەختۆ هەواڵشا نەمەنەن.  

بەپاو سۆهری، ئەوەڵو ساڵەو ٢٠٢٤ یوە جە ١٠٠ هجووماو چەتەکاو داعشینە، دەشتاییەکاو دەیرەزۆرینە و ڕەقە و حەلەب و حەما و حمسینە ٢٧٣ کەسێ کوشیێنێ، چانیشا ٣٧ کەسێ مەدەنیێ و زارۆڵێ، ٢٠٤ سەروازێ حکومەتو دیمەشقی و گرووپە لایەنگێرەکاشا هەنێ. هەرپاسە ٢٤ چەتێ داعشی بە دەسو هێزەکاو حکومەتو دیمەشقی کوشیێنێ.