ئەندامەو کۊردیناسیۊنوو کەژەکەی چیدەم دۊغووە، سەرنجەش کێشتە پەی سەروو گرنگیی ڕێکوستەی ژەنا و واتش، "مشۊم ژەنی وێسا بشناسا، متمانێشا بە وێشا و هامڕەگەزوو وێشا بۊ پەوکای کۊشیای یاواینەی و هۊشیاری فرە گرنگێنێ".
ئەندامەو کۊردیناسیۊنوو کەژەکەی چیدەم دۊغووە، میانەو بەرنامیوە ژەن- تی ڤیینە باسش جە گرنگیی پەرسەو ڕێکوستەی ژەنا کەرد.
چیدەم دۊغووە واتش، "ڕێکوستەی پیمانەی بنچینەیی ئایدۊلۊژیاو ئازادیی ژەنێن. گردوو ئایدۊلۊژیاکانە ئینە چینەن. بە بۍ ڕێکوستەی هیچ هەنگامێوە مەنریۊ. تاریخوو ئینسانیەتی تارێخوو ڕێکوستەین. وەختۍ ئینسان سەرنجە وزۊ سەروو جەوهەرو پێناسەو بەکۊمەڵایەتیبییەی، موینییۊ کە ڕێکوستەی گوزارشت چانەیە کەرۊ. گوزارشتا جە ڕاسیی ڕێکوستەی گلێرگەی. ڕێکوستەیوە جە چوارچوەو ئەخلاقدینە. یانۍ پەی ئایندەو ئینسانی، گلێرگەی و ئینسانیەتی، ڕێکوستەی گرنگیێوە ستراتیژییش هەن. جە ڕووەو پێناسەیۊ ڕێکوستەی جە هۊنیایۊیۊ مۍ بە ماناو وستەی سەروو ڕێن. جە ڕووەو ڕیشەی و ڕەچەڵەکشناسییوە چا وەختۊ ئینسان ورسەنگنیۊ، موینیۊ پەی ئینسانیەتی چە مانێوەش هەنە. یوەم سەرمەشق و بەکۊمەڵایەتیبییەیش ژەنینێ. وێیاونای بە شناسنامەو خوداوەندی، پەیوەندییش بە هێزێوە ڕێکوزیایوە هەن. پەوکای جە ڕێکوستەی ژیوای کۊمەڵایەتیینە دەوری سەرمەشقایەتییش گێرتەن گەرڎەن و چا بابەتەنە خزمەتی فرە بەنرخش بە گلێرگەی یاونان و یاونانش حاسوو خوداوەندی. لایەنی تراژیکیش ئینەنە، ژەنی بییە یوەم سەرمەشقە و هەنگامەکاو ئەوەڵیش نیۍ، بە ویەرڎەی وەختی بە دەوروو ژەنۍ دنیا لوا وەرۊ، وەلۍ بێڕێکوستەیش سەرەرە سەپیا و ڕێکە نەوزیا".
چیدەم دۊغووە واتش یوەم ئۊپراسیۊن دژوو ژەنا چی چوارچوەنە کریان و وستیچش ڕووە، ژەنی سەرمەشقۍ گلێرگەی بیێنۍ، وەلۍ گلێرگە جە ڕێکوستەیش بڕیارە.
ئەندامەو کۊردیناسیۊنوو کەژەکەی چیدەم دۊغووە ئاماژەش بە کۊشیایی ژەنۍ، کۊشیایی ئازادیی ژەناو کوردی کەرد، کە ئارۊ بە دروشموو 'ژەنی، ژیوای، ئازادی' تەماموو جیهانیرە وەڵا بییەنۊ و پێسە درێژەش بە قسەکاش دا: "ژەنی ژیواینە، ژیوایچ گلێرگەن. چەنی ئانەیچە ڕاسیێوە گلێرگەی ورسەنگنۊ. ئینسان ڕێکوستەی بە دەوروو ئادێرە خاس متاوۊ گێڵنۊوە. بە بۍ ئانەیە کۊو ئا ژیواینە بڕیۊرە، چا ڕێکوستەی وێش پارێزنۊ و پەی ئازادیی کۊشیۊ، یەکسانی و دادپەروەرییچ تێکەڵ پانەیە کەرۊ. ڕێبازێوە پێسنە ڕێکوستەی ئیرادەبییەێوە قەوەتتەر خوڵقنۊ. ژەنی متاوۊ زیاتەر وێش بشناسۊ".
چیدەم دۊغووو واتش، کە ئانەیچ پێسە کۊشیای ڕەگەزی و جێندەری مشناسا و، "مەژگ و فێرببییەی، کە لاو ڕەگەزپەرسیی کۊمەڵایەتییوە خولقییان لاو گرد لاێوە ئاشکران، مامەڵێوە پێسنە هەن، کە کۊنەپارێزنی، باڵادەسپەرەسی و کۊیلایەتییش قبووڵ کەرڎەن. پێسە واتما، ژەنی ڕاسیێوەش هەن، کە دژوو تاریخوو وێش، هەم جە گلێرگەیچ بڕیێنەرە. بێگومان دژواری و تەنگوچەڵەمەی فرەش هەن. وەڵێنە مشۊم دژوو ڕاسیێوە کە وێش مەشناسۊ کۊشیۊ. مشۊم وەڵێنە ژەنی وێش بشناسۊ، متمانۍ و بڕواش بە وێش بۊ و بە ژەنایچ. ژەنی دریێنۍ گژۍ یۊیرە پێسە ئۊبژێوە ڕەگەزی ئشناسیێنە. پێسەیچ کاریگەرییش کەرڎەن سەروو دەروون و کەسایەتیی ژەنا. بە بۍ ئانەی ئا ڕاسییە بوینیۊ، ڕاوەبەرڎەی کۊشیایی ئازادیی مسۊگەر مەبۊ. بە بۍ ئانەیە حەر جە یوەم هەنگامەنە هەوڵەکۍ بار مشا.
پەوکای کۊشیای پەی یاواینەی و هۊشیاری فرە گرنگا. ڕەنگا بڕۍ مامەڵۍ با وەرڎەمشنە با بە قۊرتۍ، ڕەنگا ئینە پەی گردوو کۊشیایەکا ڕاس بۊ. پەی نموونەی سەرەورداێوە ئاسایی فرە ئاسانا. ئێمە ماچمۍ، سیستمی شەرمەزار کەری، دەوڵەت و پیای شەرمەزار کەری مەی سەروو جادەی، ڕەتش کەریوە و قبووڵش مەکەری خاسا ئانە لایەنێوە گرنگوو کۊشیاین. ئانە بڕۍ ئاسانا. مشۊم ئێمە دژوو لایەنە دماکەوتەکایچما کۊشیەیمێ. خاسا من ویر و مەژگوو پیای ڕەت کەرووە. وەلۍ مشۊم وەراوەرەکەش چێش بۊ خاسا. ئی سیستمەیە ڕەت کەرووە وەلۍ یاگەدارش چێشا؟ ئی سیستمە جە ڕووەو ئابوورییوە ژەنی سەرکوتە کەرۊ، تاڵانەش کەرۊ. ئێمە چە نۊعە ئابووریێوە بونیاد منیەیمۍ، و چێشما گەرەکا؟ پیشەسازی پا ڕاددە تەندروستیی جەستەو ژەنۍ بەکار مارۊ وەراوەروو ئینەیەنە پەی ژەنا و پیایا، پەی تەماموو گلێرگەی چە نۊعە سیستمێوە تەندروس هەن؟ پەروەرڎە فاڕیان پەی سیستموو شۊرتەیوە مەژگی، بە هیرارشی و پیایانە پەڕ کریان. دلۍ ژیواێوەنە دەوروو ئازادی و ژەنۍ، پەروەرڎەی چەنین بۊ؟
ئا بابەتە زیاتەر سەرش ملمۍ ئینەن. ئانە بۊ بە ڕووەدای، ناڕەزایەتیی ئەوەڵین فرە قەوەتا. وەلۍ جە ڕووەو ورچەرخای ڕێکوستەی و وەڵیوستەی یاگەداریوە ئەڵترناتیڤ فرە کەموکڵیۍ هەنۍ، بەبڕواو من سیستمەکە ئا ڕێبازەیچش گێرتەن.
پەوکای هەمیشەییبییەی ئارانە نییا. تۊ وەراوەروو چێوێوە مردی و ڕەتش کەریوە چێش وزی یاگێش؟ وەختۍ یاگەدارت نەبۊ کۊشیایی تۊ هەمیشەیی مەبۊ. تۊ شەرمەزار کەرۊ وەلۍ سیستموو وەراوەری هەمان نۊعا و تۊ یاگەدارت نیا و سیستم هەڵای پۍ گێرۊرە. ئەزموونێوە ٥٠ هەزار ساڵەش هەن، وەراوەروو ڕاسیێوە کە دژش مردی، ئانەی لەیەک مدۊوە کە متاوۊ پەلکێشت کەرۊ پەی دلۍ سیستمی وێش؟ یانۍ لیبراڵیزم. بەرڎەوام شەرمەزارش کەری، وەلۍ تا کۊ؟ دماو فەترۍ باری دەروونی شکس ماری، لاێوە مشۊم کۊشیەی، لاکەی تەرۊ پەنەوازییت بە دۊڵەمەندیین جە ڕووەو ئایدۊلۊژی و بەسیاسیبییەی ڕێکوستەی پێسە جمیەروو ژەنا و مشۊم ئێمە ئی سیاسەتی خولقنمێ.
پێسە جمیەرەکاو ژناو جیهانی نەتاوانما تا ئیساتۍ ئا ئۊرگان و ئەرەمەرزیایا خوڵقنمێ. ڕێکوستەی هەن. وەلۍ جە ڕووەو خوڵقنای سیاسەتێوە نیۊستراتیژیک-ژیۊپۊلیتیکوو ژەناوە ئاخۊ ڕێکوستەیێوەما هەن؟ نییا. سەرنجە دەیدۍ کوردستانی. جە ڕووەو گێرتەیوۍ سەرجەموو ژەناو کوردیوە کەموکەسری هەن. بەڵۍ هەن و پێسە جمیەروو ژەنا هەوڵۍ مدەیمۍ وزمێش وەڵێ. وەلۍ مشۊم زیاتەر قووڵ کریۊوە. چا ڕووەوە وەختۍ ئینسان ورش سەنگنۊمشۊم سەروو خەتۍ یەرەمێوە ڕێکوستەی کەرۊ. نەک حەر شەرمەزارکەرڎەی، مشۊم وزیۊ ڕووە کە چێش جیایش قبووڵ کریۊ، جیهانەنە ڕێکوزیۍ جیاجیۍ ژەنا هەنۍ و فرە گرنگێنێ. نەک پەی ڕەخنەگێرتەی، بەڵکوم مشۊم ئی ڕێکوزیۍ ئیسەنە پەی ڕێکوستەی ژیواینە یۊی گێرا.
چیدەم دۊغووە واتیچش، ئادۍ پا ستراتیژە ڕێکوستەییەی ماچا کۊنفیدراڵی دیموکراتیکوو ژەنا و هەوڵۍ مڎا ڕێکش وزا.
واتیچش، کە هەوڵۍ مڎا سەروو چوار بابەتا "کۊمۊن، ئەنجوومەن، هەرەوەزی و ئەکادیمی" سیستمێوە کۊنفیدڕالی دیموکراتیک مەرزنارە.
چیدەم دۊغووە واتش، "ئاخری ئاخرۊ ئانەیە بەئامانج گێرمۍ، کە شۊڕشوو ئازادیی ژەنۍ وەش کەرمۍ و بیاونمێش ئەنجام".
