هامسەرۆکەو گرڏی دەبەپەی چیدەم کلچگون ئوچارە جە چالاکیی وان و تەژەئاینە قسێش کەردێ و واتش: "تەنییا چارەسەری ئاشتییانەو ئی وڵاتەیە ئینا دەسو ڕابەرو گەلوو کوردی عەبدوڵا ئۆجەلانینە."
تەڤگەرو ژەنا ئازادی (تەژەئا) جە وانەنە بە درووشمو "ژەنی ڕاپیمای پەی ئازادی ملەرا" ڕاپیمێوەش ئەنجامدا. جە ڕاپیماکەینە پۆلیس هرووژمش کەرد سەرو چالاکێ ڕاپیماکەی و بڕێش چەن زامڏارێ کەردێ.
جەماوەرو ڕاپیماکەی دماو ئانەی یاوێ وەردەمو باڵەخانەو دەبەپەو شارەکەی، گلێرێ بیێ و لافیتێشا "ئانەی بەرۆت ڕاوە خودو وێتەنی، هێزو ئانەیت هەن" و "ژەنی ڕاپیمای پەی ئازادی مکەرا" بەرزکەردێ، بە بەردەوامی درووشمەکێ "بژیوۆ سەرۆک ئاپۆ" و "ژەنی ژیوای ئازادی" ماچێنێ.
جە گلێرۆبییەکەینە هامسەرۆکەو گرڏی پارتو هەرێمە دیموکراتیکەکا (دەبەپە) یچیدەم کلچگون ئوچارە هرووژمەکێ پۆلیسیش شەرمەزار کەردێ و ئاماژەش پانەیەدا ئانە دەسەڵاتدارییا ئا وڵاتەشە پارچە کەردەن، نەک ڕاپیمای ئازادیی ژەنا.
چیدەم کلیچگون ئۆچارە جە بەردەوامی قسەکاشەنە ئاماژەش پانەیەدا کە پیلانگێڵی ١٥و شوباتی جە دژو ڕابەر ئاپۆی 'ڕوێ سیاوا' و واتش: "پەیوەس بە پڕۆسەو ئیسەیۆ ئیتر گەرەکما نییا ڕۆو ١٥و شوباتی پێسەو ڕوێ سیاوی نامێ بەرمێنە. گەرەکمانە پێسەو ڕۆ ئازاد بییەی پێناسەش کەرمێنە. کێ جە ژوورێ ١٢ مەتریینە پەی ئایندەو ئی وڵاتەیە چارەسەرەکا وەڵێ وسۆنە؟ ڕابەر گەلوو کوردی ئێژا ئۆجالان ئینەی مکەرۆ. جە وەروەرو ئا ڕاوەبەرییە کە نارین گۆران و گوڵستان دۆکوی گەشمەرڏێ کەردێ مڏرامان ملەرمێ. ئایا جە خاوەندارێتی کەردەی جە ئاشتینە هەرمنێوە موبارەک تەرە هەنە؟ نەخێر نییەنە، ژەنی بۆنە بە پارێزنەرەو دیموکراسی تورکیایێ تازەی. پەی تورکیای تازەی و پەی ئەرەمەزنارەو ژیوایێ هامبەش کەوتیمێ ڕا. هێزەکەما فرە بەهێزا و هێزێوە چانە نییا کە ڕاگیریش چنە بکەرۆ".
ئەرەیاوناکەی بە بەرزکەردەیۆ دروشمو "بژیوۆ سەرۆک ئاپۆ" دمایش ئاما.
