دادگای دەستووری: دەسسەرەرەگېرتەی نامە پەی ئۆجالانی پاشێلکەردەی مافەکان
دادگای دەستووری، دەسسەرەرەگېرتەی نامەو عەلی ئیحسان دۆستی، جە زینانو بورهانیەو بالکەسیری کە گەرەکش بیەن پەی ڕابەر ئاپۆیش بکیانۆ، بە 'پاشێلکەردەی ئازادی هەواڵپەرسا"ی پێناسەش کەرڎ.
ڕاوەبەرو زینانی بە بەهانۍ ئانەی 'جە دلېینەو نامەکەینە زانیاری ڕێکوستەیش' چنەبیەن، دەسش سەرو نامەکەیرە گېرتەبۍ، کە قەرار بۍ جە ٤و ئادارو ٢٠٢٠ ینە پەی ڕابەر ئۆجالانی بکیانیۆ.
جە نامەکەنە سەبارەت بە ڕووەدایەکا ۋەرکۊتوو مېیامینی و مبارەکباییەکا نەورۆزی و مژارە ئاینییەکا هۊرسەنگنایش چنە بیەن.
عەلی ئیحسان دۆست ئاماژەش پانەی کەرڎ کە جە نامەکەنە هیچ چێوۍ گوماناوی بیەیش نییا و ۋەرا ۋەر بە قەرارەکەی ناڕەزایش نیشانەدا.
بەڵام دادگاو لوایۆ پۆرەو بورهانیەی و دادگاو باڵاو تاوانەکا بورهانیەی تانەکەشا ڕەڎکەردۆ.
قەرارو دادگای دەستووری پاشێلکەردەی مافەکان
دادگای باڵاو دەستووری لوایۆپۊرەش بە داواکارییەکەیرە کەرڎ و ئەرەیاۋناش کە دەسەو دیسپلینی و دادوەری هیچ بەڵگێوە جددیشا سەبارەت پا نیگەرانی و ئا گومانا کە سەبارەت بە نامەکەی وچیێنۍ، پێشکەش نەکەرڎەن. هەرپاسە ئەرەیاۋنانش کە تا ئیساتۍ باس چانەی نەکریان کە متاویۆ بەشێوە نامەکەی بکیانیۆ یان نا.
هەرپاسە دادگا ئاماژەش پانەی کەرڎەن کە ئی دەسوەردایە جە گلېرگېوە دیموکراتیکەنە پەنەواز نییا و پاشێلکەردەی ئازادی و هەواڵپەرساین. پەی ئانەی واوەی قەرارەکە دادگایی بکریۆوە ڕەوانەو دادگاو دەستووری بورهانیەی کریان.
