دارستانەکێ هەورامانی ئێرشان گێرتەن
دارستانەکێ پاوە، هیروێ، نودشە، مەرەخێڵ و بوزین سەر بە هەرێمو هەورامانی ئێرشان گێرتەن و ڕێکوزیاکێ ژیوگەپارێزی و هەرمانگەکێ ئێرکوشانی هەورامانی و بە هەمکاری مەردومی سەرقاڵێ ئەوەکوشانی ئایرەکەیەنێ.
چەنڎین ڕوێن بە هۆکارێ چوون هەورە ترێشقە، بەرزەو بییەی پلەکێ گەرمای و چەنڎین هۆکارتەرێ نادیارێ، ڕووبەرێوی فرە جە دارستانەکێ پاوە، هیروێ، نودشە، مەرەخێڵ و بوزینی سەر بە هەرێمو هەورامانی ئێرشان گێرتەن.
بەهامکاری ڕێکوزیاکانو ژیوگەپارێزی و هەرمانگەکێ ئێرکوشانی شار و شارچەکێ هەورامانی و بە هەمکاری مەردومو هەرێمەکەی، ئایرەکە تا ڕادێوی فرە کۆنترۆڵ کریان بەڵام هیشتای دارستانێ چەنڎین ناوچا ئێرگێرتەکەیشان کۆنترۆڵ نەکریان و تیمەکێ سەر بە ڕێکوزیاکانو ژیوگەپارێزی و هەرمانگەکێ ئێرکوشانی و بە هامکاری مەردمو هەرێمەکەی سەرقاڵێ ئەوەکوشنای و کۆنترۆڵکەردەی ئێرەکەینێ.
