سەنتەروو توێژینەوەو بواروو کۆمەڵایەتی-سیاسی، جە گوزارشتەکېشەنە سەروو ئا ئامارا کە جە بەینوو ١و کانوونوو دووەمی حەتا ٣١ و کانوونوو یووەموو ٢٠٢٣ جە گرڎوو بوارەکانە وەڵا کریېنێوە، ئاشکراشکەرد، ٣٨٥ ژەنۍ کوشیېنۍ، حەرپاسە ٣١٠ ژەنېچ بە گومانۆ گیانشا جە دەسدان.

عەداڵەت کایا، پەرلەمانتارەو پارتوو دیموکراسی و یەکسانی گەلا ئامەڎیی، سەبارەڎ بە زیاڎبیەی کوشتەی ژەنا هۊرسەنگنایش پۍ ئاژانسوو هەواڵوو فوراتی کەرڎ و واتش:"زیاڎ بیەی کوشتەو ژەنا و زیاڎبیەو گیانجە دەسدای گوماناوی ژەنا، ماوېوە فرەن ئینا ڕۆژەڤوو ئێمەنە. هەر ساڵۍ کوشتەی ژەنا مقارنە بە ساڵەی وەڵینتەرۍ زیاڎ کەرۆ. لاوکەمیۆ گرڎ ڕووۍ چی وڵاتەنە ژەنێوە کوشیۆ. سیاسەتێوە ئینا پەشتەو کوشتەی ژەناوە. بەتایبەت چی ساڵا دماییەینە دەسەڵات پی هەرمانە بێباکاشە بیەن بە مەڵامەتوو ئی کوشتارا".

ڕاوجاو ۋېپارێزی و وەرگیری مەگیریۊنە وەر

کایا باسش چانەی کەرڎ، ۋەروو ئانەی دەسەڵات ڕاوجاو وەرگیری و ۋېپارێزی مەگێرۊنەوەر، کوشتەو ژەنا ڕووەش جە زیاڎبیەی کەردەن و ئەرەیاۋناش، "دەستووری یاسایی هەن، پېسە مزاندۍ ئی دەسەڵاتە جە ڕێککۊتەی ئەستەنبوڵینە کیشییاوە. ئی ئاژە کاریگەریېوە فرەش سەروو هەردووە عەقڵیەتوو گلېرگەی و خەباتکارا جەماوەری وەشکەرڎەن. ئارۆ جە تورکیانە یاسېوە بە ژمارە ٦٢٨٤ هەنە کە چنەشەنە دەوڵەت و ئەرەمەرزیېکێش مشۊم ژەنا جە تنوو تیژی پارێزنا. داخەم مەشۆ ئارۆ یاساکۍ جابەجێ مەکریۆ. سیاسەتوو تنووتیژی و جەنگی، کە دەسەڵات ماوېوە فرەن پەرەش پنە مڎۆ ، کاریگەریش سەروو گلېرگەیۆ نیانەرە. جە لېوەتەرۆ ئایدۆلۆژیای تورکی-سوننەی بە ئاشکرا و بە ڕۊشنی جە گرڎ شۊنېنە وەڵا بیەنۆ. ئینۍ گرڎ جە ڕاسینە بە وتارەو ڕەگەزپەرسی، ئایینی، جنسیوە کاریگەریش سەروو گلېرگەی وەش کەرا".

ئا مەجالۍ کە ژەنی متاوا سەرش ونە بڎا، تاوانبارۍ کرییا

کایا ئاماژەش پانەیچ کەرڎ، بەمەڵامەتوو تنوتیژییوە ئا مەجالۍ کە ژەنی متاوا سەردایشا کەرا وزیېرە و پېسە بەردەوامە بییە"ئیتر یاگۍ نەمەنېنە پۍ ئانەی ژەنی بتاوا سەرش ونە بڎا، ئی ڕاسیۍ جە وەختێوەنە کە تەماشەو گوزارشتەو توێژینەوەو ڕێکوزییاکا ژەنا کەرمۍ بەعالی موینمۍ. بە تایبەت جە کوردسانەنە بە سیاسەتوو نیایرەی قەیومی گرڎوو ڕێکوزیاکا وەڵېگێرتەی جە تنووتیژی دژوو ژەنا وزیێرە. حەرپاسە کۊشیایېن کە ئێمە سەبارەڎ بە ژەنا ئەنجامش مڎەیمۍ بە تاوان هەژمار کریۆ و حۊڵوو مردنایش مڎریۆ. هەر پۊکەی ژەنی مەزانا ڕووە جە کۊی بنییا. حۊڵ مڎریۆ ئانۍ دژوو ژەنا تاوانەشا ئەنجامدېنە سزا نەڎریا. ئەنداماو دەسەڵاتی دادوەری فرەو مافە سەرەتاییەکا ژەنا پاشێل کەرا.

پێویسا وەزارەتوو ژەنا ئەرەمەرزیۆ

کایا باسش چانەیچ کەرڎ، کە پێویسا وەزارەتوو ژەنا پەی پارېزنای گەلی و ئازاڎییشا ئەرەمەرزیۆ و جە درێژەو قسەکاشەنە واتش:"پێویسا وەزارەتێوە وەش کریۆ حەتا ژەنی بتاوا جە گرڎوو بوارەکا ژیۋای کۆمەڵایەتینە بەقووەتۍ با و بتاوا بە ئاسانی جە بوارە سیاسی و کۆمەڵایەتییەکانە بەرۍ گنا".حەرپاسە ژەنی پێویسا هەرمانە سەروو ڕێکوستەی گرڎوو فاڕییایەکا کەرا کە پېسە تنوتیژی بەر گنا. ڕاوەبەرییە هەرێمییەکۍ یۊنۍ جە کۊڵەکە سەرەکییەکا پارادایمی بنەڕەتیما".